रोमी 2:25 - पुना गच्छरना NT (BSI)

²⁵ नीम खतना मंजका चड्डे नीम पत्त'अदर का नीम धर्मेस ती चजरकादर। नीन धर्मेसी पॆसकन पॆस्रदय होले गा खतना ही नफा र'ई। लिकिन नीन पॆसकन मल पॆस्रदय होले, निंग्‍है खतना बिगर खतना ही लेक्‍खा मनी।

रोमी 2:25 ပူးပေါင်းရင်းမြစ်များ

त‍इरकर 7:51

अना ऒड़ मल लग्‍गू आलारो! नीम निम्‍है जियन धर्मेस गे मल चिचकर महले आसिन मल मेनदर, अरा सगरो नेम्‍हा बॊलतासी बिड़दो नन्दर, एकासे निम्‍है पूरखर नंजर अन्नेम नीम हूँ नन्‍दर।

रोमी 2:13

एन्‍देरगेका धर्मेसी पॆसकन मिनू आलर उजगो मल मनोर, लिकिन धर्मेसी पॆसकन पॆस्र'ऊ आलर उजगो मनोर।

रोमी 2:23

नीन धर्मेसी पॆसकन अख़दन ब'अदय ती फुल‍ई मन्‍दय, लिकिन नीन पॆसकन टाड़दय ती धर्मेसी म‍ईन मल नन्‍दय।

रोमी 2:26

एन्नेम नन-यहूदीर खतना मल मंजका र'अनर। लिकिन आर पॆसका एन्‍देर ब'ई अदिन पॆस्रनर होले, ईद आर ही खतना मंजका बेसे र'ई।

रोमी 2:27

निमा यहूदीर गे लिख्रका पॆसका र'ई अरा निम्‍है खतना मंजकी र'ई, लिकिन नीम पॆसकन टाड़दर। औंगे एका ओर्तर तम्‍है कया नू खतना मल्‍ला मंजका, लिकिन आर पॆसकन पॆस्रनर, आर निमन बदी ननोर।

रोमी 2:28

एन्‍देरगेका यहूदी अयंग बंग ती कुन्‍द्रकादस महले कया ही मानिम खतना मंजका ती लेका आस मानिम यहूदी मलदस।

1 कोरिन्‍थ 7:19

खतना मंजका ही हूँ, अरा खतना मल मंजका ही हूँ एन्‍देर हूँ मॊल मल्‍ला। धर्मेसी पॆसकन पॆस्रना दिम मॊल र'ई।

गलातिया 6:13

खतना नंजका आलर हूँ गा ओर्मा नॆग नू मल ऎकनर। अन्नु हूँ आर निम्‍है कया ही पत्त ती फुल‍ई नना गे निमन खतना नन्‍त'आ बेद्दनर।

गलातिया 6:15

नाम खतना मंजकत महले मल मंजकत, ईद मुध मला। लिकिन नमा पुना आल मन्ना ईद मुध र'ई।