रोमी 2:17 - पुना गच्छरना NT (BSI)

¹⁷ अक्‍कुन नीन निंगन यहूदी ब'अदय अरा धर्मेसी पॆसका ही म‍इय्याँ भरसा उइय्‍दय अरा धर्मेसी अरा निंग्‍है मझी ता नता ही पत्त नू फुल‍ई मन्‍दय।

रोमी 2:17 ပူးပေါင်းရင်းမြစ်များ

मत्तायोस 3:9

नीम तम्‍है तम्‍है जिया नू एन्ने अमा सोच'आ हेलरा का ऎम अब्राहमसी बनस ता हिकदम। ऎन निमन ब'अदन का धर्मेस इबड़ा पखना गुट्ठी ती अब्राहमस गे ख़द्द कम'आ ओंग्दस।

लू‍कस 10:28

येसुस आसिन बाचस, “नीन ठौकम तिंकय, एन्नेम नना, होले नीन उज्‍जोय।”

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

यॊहनस 5:45

धर्मे बंगस गुसन ऎन निमन बदी ननोन एन्ने अमके सोच'आ। नीम असरा ननू मूसस दिम निमन बदी ननोस।

यॊहनस 7:19

मूसस निमा गे नॆग चिच्चस, अन्नु हूँ निम्‍है नू नॆ हूँ नॆग लेक्‍खा मल ऎकदर। होले एन्‍देरगे एंगन पिटा बेद्ददर?”

यॊहनस 8:33

ख़ने आर आसिन बाचर, “ऎम अब्राहमसी बनस ता हिकदम, ऎम इकला हूँ नॆख'आ हूँ बिट्ठी ननू जॊंख़ मल रहचकम। अन्ने होले ऎम छछिन्‍द मनोम एन्ने नीन एकासे ब'आ ओंग्‍दय?”

यॊहनस 8:41

नीम निम्‍है निम्‍बस नंजका नलखन दिम नना लगदर।” ख़ने आर येसुसिन बाचर, “ऎम नन्‍ना आली गुसन काना ही पाप ती कुन्‍द्रका ख़द्दम मलदम। एम्‍है ओर्तेलेका एम्‍बस र'अस आस धर्मेस।”

रोमी 2:23

नीन धर्मेसी पॆसकन अख़दन ब'अदय ती फुल‍ई मन्‍दय, लिकिन नीन पॆसकन टाड़दय ती धर्मेसी म‍ईन मल नन्‍दय।

रोमी 3:27

औंगे नॆका हूँ फुल‍ई नना गे अड्डा र'ई का? अदगे अड्डा मल‍की। एन्‍देरगे एन्‍ने मलकी? उजगो मनरकी धर्मेस ती इंझ्रतारना पॆसका आबोन पॆस्रना ती मला लिकिन पत्त'अना ती मनी।

रोमी 9:32

एन्‍देरगे मल ख़क्‍खियर? एन्‍देरगेका आर पत्त'अना ती मला लिकिन तम्‍है नलख गुट्ठी ती अदिन ख़क्‍खा बेद्दालियर। अरा आलारिन मूड़ना ही पखना नू मुड्डियर।

2 कोरिन्‍थ 11:22

आर लेका इब्रानी आलर का? ऎन हूँ इब्रानी आलन हिकदन। आर लेका इस्राऎल आलर का? ऎन हूँ इस्राऎल आलन हिकदन। आर लेका अब्राहमसी बनस ता आलर हिकनर का? ऎन हूँ अब्राहमसी बनस ता हिकदन।

गलातिया 2:15

नाम गा कुन्‍द्रका यहूदी हिकदत, अरा पपहर नन-यहूदीर ती मलदत।

इफेसुस 2:11

औंगे सुरता नना का मुन्द नीम नन-यहूदीर रहचकर, अरा कया नू आलर ही ख़ेक्खा ती खतना मंजका अबड़ा आलर ती नीम खतना मल्‍ला मंजका बारतारकर।

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।

दहदर मंजका कत्‍था 3:9

ऎरा, यहूदी मलनर ती तमन यहूदी एन्ने ठक'ऊ सैतान ही गोड़हा एड़पा ता जोक्क आलारिन निंगा गे ऎन चि'ओन। अरा आर बर'ओर ती निंग्है मुन्दहारे ख़ेडमूली खत्र'आ गे नन्त'ओन। अरा आर अख़'ओर चि'ओर का ऎन निंगन चोन्‍हा नंजकादन।