रोमी 2:15 - पुना गच्छरना NT (BSI)

¹⁵ ईर ऎदनर का एकासे धर्मेसी पॆसका र'ई अन्ने तम्‍है जिया नू अख़नर, एन्‍द्रा ठौका र'ई अरा बिड़दो र'ई। अरा आर इदन तम्‍है लखना ती ऎदनर, एका एका बारी आर ही सोच तिंगी का आर ठौका नंजर अरा बिड़दो नंजर।

रोमी 2:15 ပူးပေါင်းရင်းမြစ်များ

2 कोरिन्‍थ 5:11

औंगे उर्बासिन एल्चना ही मनेन अख़ना ती ऎम आलारिन धर्मेस तरा किर्रा गे रिझ्रत'अदम। ऎम एका लेक्खा आलम एन्ने धर्मेस दौलेम अख़दस। ऎन असरा नन्दन का अन्नेम नीम हूँ इदन अख़दर।

तीतुस 1:15

अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

1 तीमोथियुस 4:2

ईर उतुरमाड़ू अरा ठक‍'ऊ आलर हिकनर। अरा आर ही लखना मल्‍ला उज्‍जना।

रोमी 9:1

ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,

त‍इरकर 24:16

इदगे ऎन धर्मेसी ऎरना नू अरा आलर ही ऎरना नू एंग्‍है लखना आबोन सफा उइय्या गे चिहुट नंजका र'अदन।

त‍इरकर 23:1

पौलुस गा कोहाँ सभा तरा ओन ढिठ ती ईरियस अरा बाचस, “भ‍ईरो, ऎन इन्ना गूटी दौ लखना ती धर्मेसी मुन्‍दहारे उज्‍जकादन।”

यॊहनस 8:9

आर आसी ब'अनन मेंजर ती कोहाँ ती सन्नी ओर्त ओर्त गुच्‍छरर केरर। येसुस लेका असन रहचस, अरा आ मुक्‍का मझी नू इज्‍जकी रहचा।

रोमी 2:14

एका ओर्तर यहूदी मलनर आर गे धर्मेसी पॆसका मल ख़क्‍खरा। अन्नु हूँ आर आ पॆसकन पॆस्रनर होले, आर पॆसका मलका नू हूँ ताम तम्‍है नू पॆसका हिकनर।

रोमी 2:27

निमा यहूदीर गे लिख्रका पॆसका र'ई अरा निम्‍है खतना मंजकी र'ई, लिकिन नीम पॆसकन टाड़दर। औंगे एका ओर्तर तम्‍है कया नू खतना मल्‍ला मंजका, लिकिन आर पॆसकन पॆस्रनर, आर निमन बदी ननोर।