रोमी 2:14 - पुना गच्छरना NT (BSI)

¹⁴ एका ओर्तर यहूदी मलनर आर गे धर्मेसी पॆसका मल ख़क्‍खरा। अन्नु हूँ आर आ पॆसकन पॆस्रनर होले, आर पॆसका मलका नू हूँ ताम तम्‍है नू पॆसका हिकनर।

रोमी 2:14 ပူးပေါင်းရင်းမြစ်များ

त‍इरकर 10:35

आलर एक‍अम हूँ राजी ता र'ओर आर धर्मेसिन एल्‍चनर अरा एन्‍द्रा दौ र'ई अबड़न नन्नर होले धर्मेस आरिन इंझ्रदस।

त‍इरकर 14:16

आस केरका बेड़ा नू उर्मी जातियारिन तम्‍है तम्‍है डहरे नू ऎका चिच्‍चस।

त‍इरकर 17:30

केरका बेड़ा नू आलर धर्मेसिन मल बुझ्रर। इदिन आस अम्‍बियस चिच्‍चस। लिकिन अक्‍कु आस उर्मी अड्डा ता उर्मी आलारिन जियन किर्त'आ गे आनदस।

रोमी 1:32

आर गा धर्मेसी ई नॆगन अख़नर का एन्ने एन्ने नलख ननुर खे'अना दंडे ही जॊगे र'अनर। अन्नु हूँ आर ताम लेका एन्ने मल नन्नर, लिकिन एन्ने नलख ननू आलर ती हूँ रिझ्रनर।

रोमी 2:12

एका ओर्तर धर्मेसी पॆसकन बलनर ती पाप नन्नर, होले हूँ आर नठार'ओर। अरा एका ओर्तर धर्मेसी पॆसकन अख़नर ती पाप ननतेम र'अनर, आर धर्मेसी पॆसका ती नेंव‍ई नन्तार'ओर।

रोमी 2:15

ईर ऎदनर का एकासे धर्मेसी पॆसका र'ई अन्ने तम्‍है जिया नू अख़नर, एन्‍द्रा ठौका र'ई अरा बिड़दो र'ई। अरा आर इदन तम्‍है लखना ती ऎदनर, एका एका बारी आर ही सोच तिंगी का आर ठौका नंजर अरा बिड़दो नंजर।

रोमी 2:27

निमा यहूदीर गे लिख्रका पॆसका र'ई अरा निम्‍है खतना मंजकी र'ई, लिकिन नीम पॆसकन टाड़दर। औंगे एका ओर्तर तम्‍है कया नू खतना मल्‍ला मंजका, लिकिन आर पॆसकन पॆस्रनर, आर निमन बदी ननोर।

1 कोरिन्‍थ 11:14

आल सुबहा दिम निमन सिखाब'ई का मॆतस दिगहा चुट्टी उइय्दस होले, आद आस गे लज्‍जे मॊख़्रना कत्‍था हवे।

1 कोरिन्‍थ 9:21

नॆ यहूदी नॆग नू मलनर आरिन मसीस गुसन ओन्‍द्र'आ गे ऎन हूँ यहूदी नॆग मलका बेसे मंजकन। अन्नु हूँ ऎन धर्मेसी नॆगन मल अम्‍बकन, अरा मसीसी नॆगन ऎन पॆस्रकन।

इफेसुस 2:12

आ बारी नीम एकासे रहचकर अदिन सुरता नना। आ बारी नीम मसीस ती गेच्‍छा रहचकर, अरा धर्मेस ती चजरका इस्राऎल आलर ता मल रहचकर, अरा धर्मेस आर ही गने नंजका गच्‍छरना गुट्ठिन बल्‍ला लिक्‍कर। अरा नीम असरा मलका आलर, अरा धर्मेस मलका आलर लेक्‍खा ख़ॆख़ेल नू उज्‍जकर।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।