रोमी 2:1 - पुना गच्छरना NT (BSI)

¹ औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

रोमी 2:1 ပူးပေါင်းရင်းမြစ်များ

लू‍कस 12:14

लिकिन येसुस आसिन बाचस, “अना आलायो! नॆ एंगन निम्‍है म‍इय्याँ नेंव‍ई ननू महले बटा ख़ट्टू कमचकी र'ई।”

लू‍कस 19:22

ख़ने बॆलस आसिन बाचस, ‘अना मलदौ जॊंख़, निंग्‍है कत्‍था तिम ऎन निंगन नेंव‍ई नन्‍दन। नीन एंगन अक्कय का ऎन खरखर आलन हिकदन, ऎन मल ख़ॊंड़च‍कन अदिन हो'अदन अरा मल चाँख़कन अदिन ख़ोयदन।

लू‍कस 6:37

नीम नन्नारिन नेंव‍ई अमा नना, होले नीम हूँ धर्मेस ती नेंव‍ई मल नन्‍तार'ओर। नीम नन्नारिन बदी अमा टिड़'आ, होले नीम हूँ धर्मेस ती बदी मल टिड़तार'ओर। नीन नन्नर ही गुन्‍हन अम्‍बदय होले निम्‍है गुन्‍हा हूँ धर्मेस ती अम्‍बतार'ओ।

रोमी 14:22

इबड़ा ही पत्त नू नीन एन्‍देर पत्त'अदय अदिन धर्मेसी अरा निंग्‍है मझी नू उइय्या। एकदन एकास बॆस बुझ्रदस अदही पत्त नू तान तंगानिम बदी मल ठेकाब'अदस होले आस बरकत ख़क्‍खू र'अदस।

रोमी 2:2

नाम अख़दत का एन्ने मलदौ नलख ननुर म‍इय्याँ धर्मेस ठौका दंडे चि'ओस।

रोमी 2:3

अना आलारो, नीम मलदौ नलख ननुर ही नेंवई नन्‍दर, लिकिन नीमिम एन्ने नलख नन्‍दर। धर्मेस निमन कोड़हे चोन्‍हा नन्‍दस अरा सह‍दस अरा निमन सोग्‍गे ऎरदस। ई चड्डे नीम एन्ने सोचदर का धर्मेसी नेंवई नन्ना ती बछर'ओर? नीम गा आसी चोन्‍हा ही पत्त नू मल सोचदर अरा आसी चोन्‍हन मल बुझ्रदर का नीम जियन किर्त'आ गे धर्मेस मोका गुट्ठी चि'आलदस।

रोमी 3:9

होले नाम एन्‍देर ब'ओत? नाम यहूदीयत नन्ना आलर ती बॆस र'अदत का? कहियों मला। ऎम मुन्‍द दिम बाचकादत का यहूदीर अरा नन-यहूदीर ओर्मर पाप ही तबे नू र'अनर।

रोमी 9:20

अना आलायो! नीन एका ओर्तय? नीन आल लेका र'अदय, नीन धर्मेसिन आनाकिर्त'ओय का? ओन्‍टा गढ़चका आलॊ गढ़'उसिन ब'आ उंगी का नीन एंगन एन्ने एन्‍देरगे गढ़चकय?

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

1 कोरिन्‍थ 7:16

अना मुक्‍कायो, नीन सुरता नन्ना र'ई का नीन निंग्‍है मॆतासी नाड़रना ही चड्डे मना उंगदी। अना मॆतायो, नीन सुरता नन्‍ना र'ई का नीन निंग्‍है मुक्‍का ही नाड़रना ही चड्डे मना ओंग्‍दय।

याकॊब 2:20

अना बयहा आलयो, एन्‍देर नीन बुझुर'आ पोलदय का, नलख बिगर पत्त'आना अनभनियाँ हवे?

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।