रोमी 16:5 - पुना गच्छरना NT (BSI)

⁵ आर ही एड़पा ता कलीसिया गे हूँ एंग्‍है मोंजरा। एंग्‍है बॆस संगेस एपैनेतोस गे मोंजरा एकास आसिया राजी नू मसीस गे पहिल पत्त'ऊ आलस रहचस।

रोमी 16:5 ပူးပေါင်းရင်းမြစ်များ

मत्तायोस 18:20

एन्‍देरगेका एक्‍सन ऎनोटा महले मूनोटा आलर एंग्‍है नामे ती ख़ॊड़्रनर असन ऎन आर ही मझी नू र'अदन।”

त‍इरकर 16:6

नेम्‍हा बॊलतस आरिन आसिया नू दौ कत्‍था तेंगा गे छेंकचस ती आर फ्रुगिया अरा गलातिया चकभार नू मन्नुम केरर।

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 18:27

अक्‍कुन अप्‍पोल्लॊस अख़ाया देस काला बिद्दियस ख़ने, इफेसुस ता पत्त'ऊ भइय्योर आसिन काला गे रिझ्रताचर, अरा आसिन परघ'आ गे अख़ाया ता पत्त'ऊ आलर गे चिठी लिखचर। अप्‍पोल्लॊस अख़ाया अंड़सियस ख़ने, धर्मेसी मया ती पत्त'ऊ मंजका आलर गे कोड़हे सहाड़ा नंजस।

त‍इरकर 2:9

नम्‍है नू पारथी अरा मॆदी अरा एलामिती अरा मेसोपोतामिया नू र'उर अरा यूदेया अरा कप्‍पदोकिया अरा पोन्‍तोस अरा आसिया

रोमी 11:16

लिंडका गुंडा ती पहिल दाँड़े चिच्का असमा नेम्‍हा र'ई होले गोट्टा लिंडका गुंडा नेम्‍हा र'ई। अरा पादा नेम्‍हा र'ई होले डाड़ा हूँ नेम्‍हा र'ई।

रोमी 15:26

एन्‍देरगेका मकेदोनिया अरा अख़ाया जिला गुट्ठी ता आलर येरुसलॆम ता धर्मेसी आलर ती कीड़र गे सहाड़ा नना गे रिझ ती तम्‍है बरार चिच्का र'अनर।

रोमी 16:12

त्रूफैना अरा त्रूफॊसा गे मोंजरा, इबड़ा मुक्कर उर्बस नू बग्‍गे नलख नंजका र'अनर। एंग्‍है बॆस संगेस पेरसिया गे मोंजरा, ईद उर्बस नू कोड़हे चिहुट नंजकी र'ई।

रोमी 16:4

आर एंग्‍है जिया गे तम्‍है जियन अपलोक नू नंजका चिच्का रहचर। ऎन लेका मला अन्नेम नन-यहूदीर ही गोट्टा कलीसिया हूँ आर ही धन्‍यवाद ननी।

रोमी 16:6

मरियम गे मोंजरा, आद निमा गे कोड़हे चिहुट नलख नंजकी रहचा।

रोमी 16:8

अम्‍पलियातोस गे मोंजरा एकास उर्बस नू एंग्‍है बॆस संगेस र'अदस।

1 कोरिन्‍थ 16:15

अना भईरो! नीम स्‍तेफनासी एड़पातारिन अख़दर, आर अख़ाया चक नू मसीसिन इंझ्रका पहिल आलर हिकनर। अरा आर नेम्‍हा आलर ही तेतर सुसर गे तमन चिच्का र'अनर। औंगे ऎन निमन ने'अदन का,

1 कोरिन्‍थ 16:19

आसिया जिला ता कलीसिया गुट्ठी निमन मोंजरा नन्नर। अकुलास अरा प्रिसका अरा आर ही एड़पा नू ओक्‍कना कलीसिया निमन उर्बस नू कोड़हे मोंजरा नन्नर।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

कोलोस्से 4:15

लवोदिकेया नगरे ता पत्त'ऊ भईर गे अरा नुम्‍फा अरा अदही एड़पा नू ख़ॊंड़रना कलीसिया गे एंग्है मोंजरा।

फिलॆमॊन 1:2

अरा नम्है गने पत्त'ऊ बहिन अपफिया, अरा मसीसी सुसर नलख नू सैनस लेक्खा नम्है संगे भईस अर्ख़िप्पोस गे, अरा निंग्है एड़पा नू ख़ॊंड़र'ऊ कलीसिया गे हूँ ऎम ई चिठिन लिखदम।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

3 यॊहन 1:1

ई चिठी ऎन यॊहन सेयान आलन तरती र'ई। ऎन इदन एंग्है दुलारो भईस गायोस गे लिखदन, नॆकन ऎन मानिम नू चोन्हा नन्दन।

दहदर मंजका कत्‍था 14:4

ईर मुक्कर ती तमन सोतरा मल मंजकर हिकनर, अरा डिंडर हिकनर। ईर भेंडो ख़द्द मसीस एसन एसन कालदस असन असन आसी गने गुड़ियार'ऊ हिकनर। ईर धर्मेस गे अरा भेंडो ख़द्द मसीस गे आलर ती नाड़रका पहिल ख़ंजपा लेक्खा र'अनर।