रोमी 15:7 - पुना गच्छरना NT (BSI)

⁷ औंगे एकासे मसीस निमन इंझ्रकादस अन्नेम नीम अपन ती नन्नारिन इंझ्र'आ। इत्रु ती धर्मेसी म‍ईन मनो।

रोमी 15:7 ပူးပေါင်းရင်းမြစ်များ

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

मरकुस 9:37

“एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। इदही माने एन्ने हवे, आस एंगन लेका मल इंझ्रदस लिकिन एंगन त‍इय्‍का एंग्‍है बबासिन हूँ इंझ्रदस।”

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

लू‍कस 9:48

अरा आरिन बाचस, “एका ओर्तोस ई बेसे ओन्‍टा ख़द्दासिन एंग्‍है बदली नू इंझ्रदस आस एंगन इंझ्रदस। अरा एका ओर्तोस एंगन इंझ्रदस आस एंगन त‍इय्‍का एंग्‍है बबासिन हूँ इंझ्रदस। अरा नॆ निम्‍है नू तंगन सन्नी ती सन्नी अख़दस आसिम धर्मेसी ऎरना नू कोहाँ र'अदस।”

यॊहनस 13:34

ऎन निमा गे ओन्‍टा पुना पॆसका चि'अदन, नीम ओर्त ओर्त गने चोन्‍हा नना। एकासे ऎन निमन चोन्‍हा नंजकन, अन्नेम नीम हूँ ओर्त ओर्त गने चोन्‍हा नन्‍ना र'ई।

यॊहनस 6:37

बंगस नॆकन एंगा चि'अदस, अबड़र ओर्मर एंग्‍है गुसन बर'ओर, अरा नॆ एंग्‍है गुसन बरदस आसिन इकला हूँ ऎन मल दुस'ओन।

रोमी 15:9

अरा आस इदगे हूँ इदिन नंजस का नन-यहूदीर तम्‍है ख़क्ख्रका सोग्‍गे ही चड्डे धर्मेसी ओहमा नना ओंगोर। एकासे नेम्‍हा पुथी नू लिख्रकी र'ई, “औंगे ऎन नन-यहूदीर नू निंग्‍है ओहमा ननोन। अरा निंग्‍है नामे ही ओहमा पाड़ोन।”

रोमी 5:2

येसुस नमन नम्‍है पत्त'अना चड्डे ई पुना नता नू ओन्‍द्रकादस एका इय्या नाम धर्मेसी मया आबोन लखदत। धर्मेस आसी महबा आबोन नमा गे ख़ट्टोस, ई असरा ती नाम रिझ्रदत।

इफेसुस 1:12

होले नाम नॆ मसीस नू मुन्द तिम असरा उइय्का रहचकत आसी महबा ही ओहमा ही चड्डे मना गे आस इदन नंजस।

इफेसुस 1:18

ऎन गोहरारदन का आस निमा जिया गे बिल्‍ली चि'अदस नेकअन। अत्रु तिम आस निम्है मॆख़ना ही असरा आबोन नीम अख़'आ ओंगोर, अरा तंग्है नेम्हा आलर गे मंजका आसीस ही महबा ही खुर्जी आबोन नीम अख़'ओर चि'ओर।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।