रोमी 15:6 - पुना गच्छरना NT (BSI)

⁶ तहाँ नीम ओन जिया अरा ओन सड़ा ती नम्‍है उर्बस येसु मसीसी बंगस धर्मेसी ओहमा ननोर।

रोमी 15:6 ပူးပေါင်းရင်းမြစ်များ

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

त‍इरकर 4:24

आर आर ही कत्‍थन मेंजर ती ओन संगे धर्मेसिन जॊरसरिया गोहरार'आ हेलरर, अरा बाचर, “उर्बायो! नीन ख़ॆख़ेलन अरा मेर्ख़न अरा समुदर आबोन अरा अबड़ा नू र'ऊ उर्मिन कमचकय।

त‍इरकर 4:32

पत्त'ऊ आलर ही खोंड़हा ओन जिया अरा बॊलता नू रहचर। अरा नॆ हूँ तम्‍है खुर्जी गुट्ठिन एम्‍है मल ब'आ लगियर अन्‍ति उर्मिदिम सजहा रहचा।

2 कोरिन्‍थ 1:3

नम्‍है उर्बस येसु मसीसी धर्मे अरा बंगस गे ओहमा मनन नेकअन। आस सोग्‍गे ही बंगस अरा उर्मी रकम ही जिया सालना चि'ऊ धर्मेस हिकदस।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

कोलोस्से 1:3

ऎम सगर घड़ी निमा गे गोहरारनुम नम्है उर्बस येसु मसीसी बंगस धर्मेस गे धन्यवाद नन्दम।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।

दहदर मंजका कत्‍था 1:6

अरा आस तंग्‍है बंगस धर्मेसिन सुसर नना गे नमन ओन्टा राजी अरा नैगर कमचस। आसी महबा अरा सवंग आस गे हुल्‍लो ती हुल्‍लो गूटी मनन नेकअन! आमेन!