रोमी 15:2 - पुना गच्छरना NT (BSI)

² नमा ओर्मत गे तम्‍‍है अरबर-परबारिन दौ गे आरिन पत्त'अना नू बड़ियर मना ओंगोर अदगे सहाड़ा नन्‍ना र'ई।

रोमी 15:2 ပူးပေါင်းရင်းမြစ်များ

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

1 कोरिन्‍थ 10:23

निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्‍ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।

1 कोरिन्‍थ 10:24

ओर्तोस तंग्‍है दौ आबोन लेका अमा ऎरा, नन्‍नर ही दौ आबोन हूँ ऎरा।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 13:5

चोन्‍हा मल सोभना कत्‍था मल ननी, अरा आद तंगा दौ गे मल बिद्दी, अरा आद मल बरमार'ई, अरा आद नन्नर तंगा गे नंजका मलदौ ही लेखा मल उइय्यी।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

1 कोरिन्‍थ 14:3

लिकिन धर्मेसी कत्‍थन मुन्‍द तेंगुस आलारिन बड़ियर नन्त'आ गे अरा रिझ्रत'आ गे अरा जिया सालनन चि'आ गे तेंगदस।

2 कोरिन्‍थ 12:19

ऎम निम्है मुन्दहारे एमन बिगर बदी ही बॆस आलम ऎद'आ गे अक्कु गूटी चिहुट नन्दम एन्ने नीम सोचदर का? मला, ऎम धर्मेसी मुन्दहारे मसीस नू ब'आलदम। अना चोन्हा आलारो! नीम बॊलता नू परदा गेम ऎम उर्मिन नन्दम।

2 कोरिन्‍थ 13:9

ऎम पयहा र'अना ती हूँ नीम सवंगिय र'अदर, इदगे ऎम रिझ्रदम। अरा ऎम गोहरारदम हूँ का नीम बड़ियर मनोर क'ओर।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

इफेसुस 4:29

एकअम मलदौ कत्‍था निम्है बई ती मल उरखना र'ई। लिकिन मिनुर गे दौ ख़क्खा गे, आर ही चाड़ ही लेक्‍खा आरिन परदना ही संगरा ननू कत्था गुट्ठिन लेका ब'आ।