रोमी 14:8 - पुना गच्छरना NT (BSI)

⁸ नाम उज्‍जा लगदत होले उर्बस गे उज्‍जा लगदत, अरा नाम खे'अदत होले उर्बस गे खे'अदत। औंगे नाम उज्‍जदत मलता खे'अदत नाम उर्बासी दिम हिकदत।

रोमी 14:8 ပူးပေါင်းရင်းမြစ်များ

लू‍कस 20:38

धर्मेस गा केचका आलर ही मला, उज्‍जना आलर ही धर्मेस हिकदस, एन्‍देरगेका आस नू जम्मर उज्‍जनर।”

यॊहनस 21:19

पतरस एका लेक्‍खा खे'अनन ख़क्‍खोस ती धर्मेसिन महबा ननोस, एन्ने ऎद'आ गे दिम इदन येसुस तिंगियस। फेन येसुस आसिन बाचस, “नीन एंग्‍हा ख़ॊख़ा गुड़ियार'आ।”

त‍इरकर 13:36

दाऊदस गा तंग्‍है उज्‍जना ही बेड़ा नू धर्मेसी मने लेक्‍खा नंजस ती केच्‍चस। अरा आसिन तंग्‍है पूरखर हेद्दे मंडियर। अरा आसी मॆद मसड़ा नू कित्तिया।

त‍इरकर 20:24

लिकिन ऎन एंग्‍है उज्‍जनन चोन्‍हा मल नन्‍दन। धर्मेसी मया ही पत्त ता दौ कत्‍थन उर्मी आलर गे तेंगा गे उर्बा येसुस एंगा गे चिच्का नलखन पूरा नना गे ऎन बेद्ददन।

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

1 कोरिन्‍थ 15:23

लिकिन ओर्मर तम्‍है तम्‍है बारी नू उज्‍जा चॊदतार'ओर, मसीस गा पहिल उज्‍जा चॊचस, अदही ख़ॊख़ा मसीस बरना बेड़ा नू मसीसी आलर उज्‍जा चॊदतार'ओर।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

फिलिप्‍पी 2:30

एन्देरगेका निम्है ती एंगा गे नना पोलना सहाड़ा आबोन आस एंगा गे नना गे आस तंग्‍है जियन हूँ अपलोक नू नंजस। एन्नेम मसीसिन सुसर'अना नलख गे खे'आ गे हूँ मल इल्चियस।

1 थेस्‍सलोनिकॆयर 5:10

मसीस नमा गे केच्‍चस। औंगे नाम उज्‍जत र'ओत महले केचका र'ओत, आस किर्रो बारी आसी गने नाम सगरो उज्‍‍जोत।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”