रोमी 14:2 - पुना गच्छरना NT (BSI)

² ओर्तोस पत्त'अदस का उर्मी ओन्ना-मॊख़नन ओन्ना दौ र'ई, लिकिन नन्नस एकास पयहा र'अदस आस पत्त'अदस का अड़ख़ा-चॆख़ेल लेका ओन्ना दौ र'ई।

रोमी 14:2 ပူးပေါင်းရင်းမြစ်များ

रोमी 14:1

एकास पत्त'अना नू पयहा र'अदस आसिन इंझ्र'आ, लिकिन आसी जिया ही ठुकठुकरना म‍इय्याँ अमा नग्‍गानखर'आ।

रोमी 14:14

ऎन उर्बस मसीस नू र'अना चड्डे, ऎन मानिम अख़दन का उर्मी ओन्ना-मॊख़ना तमा नू सोतबोड़'आ मलकी। लिकिन एकास एकअम ओन्ना-मॊख़नन सोतबोड़'आ पत्त'अदस होले आद आस गे सोतबोड़'आ दिम र'ई।

रोमी 14:20

ओन्ना-मॊख़ना धर्मेस म‍इय्याँ नाम नंजका पत्त'अना आबोन अम्‍बन बगड़'आ नेकअन। उर्मी ओन्ना-मॊख़ना बॆस गा र'ई, लिकिन एका ओर्तस ओन्ना-मॊख़ना चड्डे नन्नारिन पाप नू मूड़त'अदस होले आद आस गे मलदौ र'ई।

रोमी 15:1

औंगे पत्त'अना नू बड़ियर र'अदत नाम नम्‍है नू लेका रिझ्ररना मलकी। लिकिन एका ओर्तर ई लेक्‍खा पयहा र'अनर आर ही पयहा नू नमा सहना र'ई।

1 कोरिन्‍थ 10:25

अहड़ा बजार नू बीस्रना एकअम अहड़न निम्है लखना अदही पत्त नू बिड़दो इन्द्रिइम मल ब'अना चड्डे इन्द्रिइम बिगर मेंजकम नीम ख़ेन्‍दा ती मॊख़ा ओंग्‍दर।

1 कोरिन्‍थ 8:9

लिकिन नीम चिहुंक र'आ का, निम्‍है छछिन्‍द पत्त'अना नू पयहा आलारिन पाप नू अम्‍बोर खत्रत'आ।

1 कोरिन्‍थ 9:22

पयहर गे ऎन पयहा मंजकन का पयहारिन मसीस गुसन ओन्‍द्र'ओन। एकअम अन्ने ती जोक्‍क आलारिन नाड़रा गे ऎन ओर्मर गे ओर्मर लेक्‍खा मंजकन।

गलातिया 2:12

याकॊबस तरती जोक्‍क आलर बरचर, अदही ती मुन्‍द पतरस नन-यहूदीर गने ओक्‍करकी ओना मॊख़ा लगियस। लिकिन आर बरचर ख़ने आस खतना मंजका आलर ही इल्‍चिक'आ ती पछली मंजस केरस अरा तरकूटी मना हेलरस।

1 तीमोथियुस 4:4

धर्मेसी गढ़चका उर्मी जिनिस दौ र'ई। एका जिनिस हों दोसना जॊगे मलकी। उर्मी जिनिसन धन्‍यवाद गने इंझ्रना र'ई

तीतुस 1:15

अरिगा आलर गे उर्मी जिनिस अरिगा र'ई। लिकिन अरिगा मलका अरा मल पत्त'उर गे एन्‍द्रा हूँ अरिगा मल्‍ला। एन्‍देरगेका आर ही लूर अरा लखना गुट्ठी दुयो बगड़ारकी र'ई।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।

इब्रानी 9:10

अबड़ा गा ओन्ना-मॊख़ना ही आलॊ गुट्ठी अरा रकम रकम ही नॊड़ना मंजना ही मॆद ही चाल गुट्ठी हवे, एकदा पुना नॆत बरना गूटी गा नलख मनी।