रोमी 14:1 - पुना गच्छरना NT (BSI)

¹ एकास पत्त'अना नू पयहा र'अदस आसिन इंझ्र'आ, लिकिन आसी जिया ही ठुकठुकरना म‍इय्याँ अमा नग्‍गानखर'आ।

रोमी 14:1 ပူးပေါင်းရင်းမြစ်များ

मत्तायोस 12:20

आस लट'ई मंजका जिन्‍तो लट्टिन मल एस'ओस महले कुहड़ारना बिल्‍लिन मल तेभ'ओस। अरा आस नेंव‍ई आबोन जितना गूटी कड़हाब'ओस।

मत्तायोस 14:31

येसुस लॆम तंग्‍है ख़ेक्खन मुन्‍द नंजस ती आसिन चॊदस ती आसिन बाचस, “अना पत्त'अना नू पयहा आलायो, एन्‍देरगे धुकपुकुरकय?”

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मरकुस 7:19

एन्‍देरगेका आद जिया नू मल कुर'ई, लिकिन आद कूल नू कुर'ई अरा पच'अरकी बहरी उरखी काली।” (एन्ने ब'अरकी उर्मी ओन्ना-मॊख़ना आलॊन सफा बाचस।)

लू‍कस 17:2

एका आलस ई सन्नी ती एक‍अम ओर्तोस गने पाप ही नंगु मन्‍दस, आसी ख़ेसेर नू जतन हें'अरकी समुदर नू मुलखत'अना चि'अना धर्मेसी चि'अना दंडे ती जुक्‍की र'ई।

यॊहनस 13:20

ऎन निमन मानिम ब'अदन, ऎन तइय्‍का नॆक'अनिम नॆ इंझ्रदस, आस एंगन हूँ इंझ्रदस। अरा नॆ एंगन इंझ्रदस, आस एंगन नॆ तइय्कादस आसिन हूँ इंझ्रदस।”

त‍इरकर 28:2

अइय्या ता र'ऊ आलर एमन नगदे सोग्‍गे ईरियर। चॆप पुंइना अरा प‍इय्याँ ही चड्डे आर चिच्‍ची ओद्दर ‍ती एमन परघाचर।

रोमी 11:15

एन्‍देरगेका आर ही अम्‍बरना ही चड्डे धर्मेसी ख़ॆख़ेल गने मेस्रना मंजकी किरकी र'ई, होले इकला आर ही इंझ्रना मनो, आद केच्‍कारिन उज्‍जना ओन्‍द्रना बेसे र'ओ दने।

रोमी 14:2

ओर्तोस पत्त'अदस का उर्मी ओन्ना-मॊख़नन ओन्ना दौ र'ई, लिकिन नन्नस एकास पयहा र'अदस आस पत्त'अदस का अड़ख़ा-चॆख़ेल लेका ओन्ना दौ र'ई।

रोमी 14:21

अहड़ा मॊख़ना महले अरखी झरा ओन्ना महले नन्ना इन्द्रिइम नन्ना निंग्‍है भ‍ई महले बहिन आबोन पाप नू मूड़त'ई होले अदिन अमके नना।

रोमी 14:3

उर्मी ओन्ना-मॊख़नन उनू मूख़ू आलर मल मूख़ू आलारिन अम्‍बोर ख़ाँड़'आ। अन्नेम उर्मी ओन्ना-मॊख़नन मल उनू मूख़ू आलर मूख़ू आलर म‍इय्याँ बदी अम्‍बोर नना। एन्‍देरगेका धर्मेस आरिन इंझ्रका र'अदस।

रोमी 15:1

औंगे पत्त'अना नू बड़ियर र'अदत नाम नम्‍है नू लेका रिझ्ररना मलकी। लिकिन एका ओर्तर ई लेक्‍खा पयहा र'अनर आर ही पयहा नू नमा सहना र'ई।

रोमी 15:7

औंगे एकासे मसीस निमन इंझ्रकादस अन्नेम नीम अपन ती नन्नारिन इंझ्र'आ। इत्रु ती धर्मेसी म‍ईन मनो।

रोमी 4:19

अब्राहमस मलागूटी सौ बछर ही रहचस। अन्नु हूँ तंग्‍है पया मलका बेसे मॆद अरा सारा ही गरब ओत्‍थाऎख़ मना गे केचका बेसे रहचा अदिन अक्‍खस ती हूँ पत्त'अना नू पयहा मल मंजस।

1 कोरिन्‍थ 9:22

पयहर गे ऎन पयहा मंजकन का पयहारिन मसीस गुसन ओन्‍द्र'ओन। एकअम अन्ने ती जोक्‍क आलारिन नाड़रा गे ऎन ओर्मर गे ओर्मर लेक्‍खा मंजकन।

फिलिप्‍पी 2:29

औंगे उर्बस नू कोड़हे रि‍झ ती आसिन परिघ'आ, अरा ईसी लेक्खा आलारिन मईन नना।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

इब्रानी 5:14

लिकिन बुधियार मंजकर गे मंडी र'ई। आर हेभरना हेभरना ती दौ अरा मलदौ आबोन चिन्‍हना नू बड़ियर मंजका र'अनर।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।