रोमी 13:7 - पुना गच्छरना NT (BSI)

⁷ निमा ओर्मर गे एन्‍देर एन्‍देर चि'अना र'ई अदिन चि'आ। नॆका मालगुजारी चि'अना र'ई आर गे मालगुजारी चि'आ, नॆका ख़ल्ल गोड्डा ही मालगुजारी चि'अना र'ई आर गे ख़ल्ल गोड्डा ही मालगुजारी चि'आ, नॆकन एल्‍चना र'ई आरिन एल्चा, नॆका म‍ईन नन्ना र'ई आरिन म‍ईन नना।

रोमी 13:7 ပူးပေါင်းရင်းမြစ်များ

मत्तायोस 17:25

आस बाचस, “हाँ, चि'अदस।” आस एड़पा बरचस, ख़ने येसुस आसी मेन्ना ती मुन्‍देम आसिन बाचस, “अना सिमॊन, नीन एन्‍देर सोचदय? ख़ॆख़ेल ता बॆलर मालगुजारी नॆखअय ती हो'अनर? तम्‍है ख़द्दर ती का नन्‍नर ती?”

मत्तायोस 22:21

आर आसिन बाचर, “कैसरसी।” ख़ने आस आरिन बाचस, “औंगे कैसरस गे एन्‍देर चि'अना र'ई अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।”

मरकुस 12:17

ख़ने येसुस आरिन बाचस, “कैसरस गे एन्‍देर चि'अना र'ई अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।” ख़ने आर येसुसी ई कत्‍थन मेनरकी अनचकरर केरर।

लू‍कस 20:22

एन्‍देर कैसरस गे टिकस चि'अना ठौका र'ई का मला?”

लू‍कस 20:25

ख़ने आस आरिन बाचस, “होले कैसरस गे एन्‍देर चि'अना र'ई, अदिन कैसरस गे चि'आ, अरा धर्मेस गे एन्‍देर चि'अना र'ई, अदिन धर्मेस गे चि'आ।”

लू‍कस 23:2

अरा आर आसी म‍इय्याँ एन्ने बाचर ती दोस ठेका ब'आ हेलरर, “ऎम ईसिन एम्‍है आलारिन बहक'‍अना ‍अरा कैसरस गे मालगुजारी चि'आ गे छेंकना अरा तंगन मसी बॆल ब'अना मेंजका र'अदम।”

रोमी 12:10

अपन ती नन्नर गने भ‍ई बहिन बेसे चोन्‍हा नना। निम्‍है ती बग्‍गे नन्नारिन म‍ईन ननके।

रोमी 13:6

ई चड्डे दिम नीम मालगुजारी हूँ चि'अदर, एन्‍देरगेका अक्‍स'ऊ आलर धर्मेसी जॊंख़र हिकनर अरा आर अक्‍स'आ लगनर।

इफेसुस 5:33

अन्नु हूँ नीम ओर्त ओर्त तंग्है तंग्है नू चोन्हा नन्ना बेसे तंग्है तंग्है मुक्कन चोन्हा नन्ना र'ई। अरा मुक्का तंग्है मॆतासिन मईन नन्ना र'ई।

इफेसुस 6:5

अना बिट्ठी ननू जॊंख़ारो, नीम मसीसिन पॆस्रना बेसे, ई ख़ॆख़ेल ता निम्‍है उर्बारिन मईन अरा इल्‍चनुम ती अरा मानी जिया गने पॆस्र'आ।

1 तीमोथियुस 5:13

इदही गने आर लंडी मना हेभ्रनर। अरा एड़पा एड़पा जलिय'आ कुद्दनर, अरा नन्नर ही नलख नू नूता बेद्दनर, अरा एका कत्‍थन मल कछनख्रना र'ई अदिन कछनख्रनर।

1 तीमोथियुस 5:17

कलीसियन दौ गने ऎरनर ख़ॊजनर आ सेयान आलर गे दुई गुना म‍ईन नन्ना र'ई। कोड़हे गा कत्थन मेन्‍त'ऊ अरा सिखाब'ऊ सेयान आलारिन अन्ने नन्‍ना र'ई।

1 तीमोथियुस 6:1

उर्मी बिट्ठी ननू जॊंख़र गे तम्‍है तम्‍है उर्बर ही कोड़हे म‍ईन मरजात नन्ना र'ई। होले नेक‍ईम धर्मेसी नामे अरा नम्‍है सिखाब'अना ही बिड़दो नू मल ब'ओर।

1 पतरस 3:7

अन्नेम अना मॆतारो! नीम निम्है मुक्‍का गने ठौका बुझ्रना अरा अदही मइय्याँ ता सोच गने उज्‍जा। अरा मुक्‍कारिन निम्है ती पयहा आल अख़'आ ती अरा निम्है गने मल मुंज्रना उज्‍जना ही धर्मेसी सोग्‍गेन ख़क्‍खका अख़'आ ती आरिन मईन नना। नीम एन्ने ननोर होले, नीम सान्ति जिया ती र'ओर अरा बड़ियर गोहरार'आ ओंग्दर।