रोमी 13:13 - पुना गच्छरना NT (BSI)

¹³ उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

रोमी 13:13 ပူးပေါင်းရင်းမြစ်များ

लू‍कस 1:6

आर इरबर धर्मेसी ऎरना नू उजगो रहचर, अरा उर्बासी उर्मी पॆस‍का अरा नॆग गुट्ठी नू बने ईकुर रहचर।

लू‍कस 16:19

ओर्त उरुब आलस रहचस। आस लेपलेप अरा बग्‍गे दामी किचरी गुट्ठिन अत्तालियस ती उर्मी उल्‍ला सुख-सौंरत गने उज्‍जालियस।

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

त‍इरकर 2:15

एकासे नीम सोचदर अन्ने ईर उंखका आलर मलनर, अक्‍कुन गा उल्‍ला ही नौ बज'आली।

1 कोरिन्‍थ 3:3

एन्‍देरगेका नीम अक्‍कु गूटी निम्‍है कया सुबहा ही तबे नू र'अदर। अरा अक्‍कु गूटी निम्‍है नू इस्‍गहा अरा नग्‍गानख्रना मनी, ख़ने नीम कया सुबहा ही आलर दिम हिकदर। नीम ख़ॆख़ेल ता आलर लेक्‍खा दिम उज्‍जदर।

गलातिया 5:19

कया ही नलख गुट्ठी गा दहदर र'ई, पेहरन ही सोतरा नलख, सोतबोड़'आ, पेहरन ही मलदौ ख़न्न,

गलातिया 5:21

डाहना, उंखना, धधारना इबड़ा ही अउर हूँ नलख र'ई। इबड़ा ही पत्त नू ऎन निमन तिगा ब'अदन, एकासे ऎन मुन्‍द तिंका चिच्‍चकादन का इबड़ा नलख ननुर धर्मेसी राजी ही आसीस आबोन मल ख़क्‍खोर।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

इफेसुस 5:15

औंगे नीम एकासे उज्जदर अदही पत्त नू चिहुंक र'आ। लूर मलका आलर बेसे अमा उज्जा, लिकिन लूरगर बेसे उज्जा।

इफेसुस 5:18

अरा उंखू अमा मना, एन्‍देरगेका इत्रु भड़ुवा नलख मनी। लिकिन नेम्हा बॊलतस ती नींदनुम कला।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

1 थेस्‍सलोनिकॆयर 4:12

तहाँ निम्‍है उज्‍जना ती सौंसार ता आलर ती मईन ख़क्‍ख्र'ओ, लिकिन निमा निम्‍है चाड़ गे आरिन असरा नन्‍ना ती उज्‍जना मल्‍ला।

1 थेस्‍सलोनिकॆयर 5:17

गोहरारनन अमा अटक'आ।

याकॊब 4:5

“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।

2 यॊहन 1:4

धर्मे बंगस ती ख़क्ख्रका पॆसका ही लेक्खा निंग्है ख़द्दर ती जोक्कोर मानी नू ऎकनन ईरकन ती ऎन कोड़हे रिझ मंजकन।

यहूदा 1:23

अरा नन्नर नॆकन नीम अख़दर, आरिन जनमजुग चिच्ची ही दंडे ती बड़पेलहा बछाब'आ। अरा नन्नर मइय्याँ इल्चका गने सोग्गे ऎरा, लिकिन आ बारी नीम चिहुंक र'आ का नीम आर ही पाप नू अमा खत्र'आ, आर ही किचरी हूँ आर ही पाप नलख ती दगहा मंजकी र'ई।