रोमी 13:11 - पुना गच्छरना NT (BSI)

¹¹ अक्‍कुन ता बेड़ा एकासे र'ई एन्ने अख़'अरकी इदिन नना। निमा अक्‍कु ख़न्‍द्रना ती एजरना ही बेड़ा अंड़सकी र'ई। एन्‍देरगेका एका लेक्‍खा नाम पत्ताचका रहचकत आ बेड़ा ती अक्‍कु नम्‍है नाड़रना हेद्दे र'ई।

रोमी 13:11 ပူးပေါင်းရင်းမြစ်များ

मत्तायोस 16:3

अरा पैरी बारी मेर्ख़ा ख़ॆंसो अरा धुंधरहा र'ई होले नीम ब'अदर, इन्ना धूका मनो। नीम मेर्ख़ा ता ऎथ्रनन ऎरदर ती लख'आ ओंग्दर, लिकिन अक्‍कु एन्‍देर मना लगी अदिन नीम बुझ्र'आ पोलदर।)

लू‍कस 21:28

अरा इकला इबड़ा कत्‍था ही ऒड़ मनो नीम मॆन ऎररकी इज्जका र'अके। एन्‍देरगेका निम्‍है नाड़रना लॆम बर'ऊ र'ई।”

1 कोरिन्‍थ 10:11

नमा गे चेताब'अना लेक्‍खा इबड़ा उर्मी कत्‍था गुट्ठी आर गे मंजा। अरा ख़ॆख़ेल ही मुंज्रना बेड़ा नू र'अदत, नमा गे इबड़ा कत्‍था तिगाब'आ गे लिख्रकी र'ई।

1 कोरिन्‍थ 15:34

उजगो गे एज्र'आ चो'आ, पाप अमा नना। एन्‍देरगेका ऎन निमन लज्‍जे मॊख़त'आ गे इदन ब'अदन का निम्‍है नू जोक्‍कोर धर्मेसिन बलनर।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

याकॊब 5:8

नीम हूँ ख़तिर नना डिढ अमके अम्बा, एन्‍देरगेका उर्बासी किर्रना उल्ला हेद्दे अंड़सकी र'ई।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

2 पतरस 3:11

ई लेक्खम इबड़ा उर्मिम नठारना र'अना ती, नीम एका लेक्खा आलर र'अना र'ई? नीम धर्मेस गे इल्चका ती नेम्हा उज्जनन उज्जना र'ई।

2 पतरस 3:9

जोक्क आलर बुझुरना लेक्खा उर्बस तंग्है गच्छरनन नना गे दिरी मल नन्दस। लिकिन आस निम्है नू कयास गने र'अदस। एन्देरगेका आसी मने ईद र'ई का, ओर्त हूँ अम्बोर नठार'आ, लिकिन ओर्मर जियन किर्त'ओर।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।

दहदर मंजका कत्‍था 1:3

एकास धर्मेस ती मुन्द तिंका ई कत्‍था गुट्ठिन पढ़'उस अरा मिनुर अरा इय्या लिखचका लेक्खा ईकुर धर्मेस ती आसीस ख़क्ख'ऊ र'अनर। एन्‍देरगेका इबड़ा कत्था मन्ना ही बेड़ा हेद्दे अंड़सकी र'ई।

दहदर मंजका कत्‍था 22:10

फेन आ मेर्ख़ा पैकस एंगन बाचस, “ई पुथी ही ख़ॊख़ा मन्ना धर्मेसी कत्‍था गुट्ठिन अमा मरका नना, एन्‍देरगेका इबड़ा कत्था मन्ना ही बेड़ा हेद्दे अंड़‍सकी र'ई।

दहदर मंजका कत्‍था 22:12

येसुस ब'अदस, “ऎरा, ऎन चाँड़हे बर'आ लगदन। अरा ओर्त ओर्त नंजका ही लेक्‍खा आस गे ऎन चि'अना इनाम एंग्‍है गुसन र'ई।

दहदर मंजका कत्‍था 22:20

इबड़ा कत्‍था गुट्ठी गे गोवाह चि'ऊ येसुस ब'अदस, “हाँ, ऎन चाँड़हे बर'आ लगदन।” आमेन! अना येसु उर्बायो बरा!