रोमी 12:6 - पुना गच्छरना NT (BSI)

⁶ नमा ख़क्ख्रका मया ही लेक्‍खा नमा गे नन्ना नन्ना ख़ंजपा ख़क्‍ख्रकी र'ई। नॆका धर्मेसी कत्‍था तेंगना ही ख़ंजपा ख़क्‍ख्रकी र'ई होले, आस आस गे ख़क्ख्रका प‍त्त'अना ही जोखना लेक्‍खा अदिन नन्‍दस नेकअन।

रोमी 12:6 ပူးပေါင်းရင်းမြစ်များ

मत्तायोस 23:34

औंगे मेना! ऎन निम्‍है गुसन धर्मेसी कत्‍था तिंगुरिन अरा लुरगर आलारिन अरा नॆग सिखाब'उरिन तइय्यालदन। आर ती जोक्‍कोरिन नीम पिटोर अरा क्रुस नू ठोक'ओर, अरा जोक्‍कोरिन गोड़हा एड़पा नू कोर्रा ल'ओर अरा ओन्‍टा नगरे ती नन्ना नगरे खेच्का कुद्दोर।

मत्तायोस 25:22

तहाँ नॆका ऎंड़ थइला सोना ढिबा ख़क्‍ख्रकीचा, आस हूँ बरचस ती बाचस, ‘अना उर्बायो, नीन एंगा ऎंड़ थइला सोना ढिबा सोंपचकाचकय, ऎरा, ऎंड़ थइला सोना ढिबा अउरिम अर्जाचकादन।’

लू‍कस 11:49

औंगे धर्मेसी लूर बाचा, ‘ऎन नीम यहूदीर गुसन धर्मेसी कत्‍था तिंगुरिन, अरा त‍इरकारिन त‍इय्योन, लिकिन नीम अबड़र ती जोक्‍कोरिन पिटोर अरा जोक्‍कोरिन खिलपत ननोर।’

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 15:32

यूदस अरा सीलास हूँ गा धर्मेसी कत्‍था तिंगुर रहचर। आर भइय्योरिन कोड़हे कत्‍था बाचर ती जिया सालना चिच्‍चर अरा आरिन बड़ियर नंजर।

त‍इरकर 2:17

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

त‍इरकर 21:9

आसी चार गोटंग डिंडा कुक्‍के ख़द्दर रहचर, आर धर्मेसी कत्‍थन मुन्‍द तिंगू रहचर।

रोमी 1:11

एन्‍देरगेका एंगा निम्‍है गने भेंटार'आ तुक्‍काली का ऎन निमन धर्मेसी बॊलता ती ख़क्ख्रका आसीस आबोन ख़ट्टा बेद्ददन का नीम निम्है पत्त'अना नू बड़ियर मना ओंगोर।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

1 कोरिन्‍थ 12:18

लिकिन धर्मेस ओन्‍टा ओन्‍टा अंग गुट्ठिन तंग्‍है मने लेक्‍खा मॆद नू उइय्कादस।

1 कोरिन्‍थ 13:2

ऎन धर्मेसी कत्‍थन मुन्‍द तिंगू आलन, अरा उर्मी नूख़्रका ही गम्मन अरा उर्मी लूरन अख़ना ही सवंग र'ऊ आलन, अरा परता गुट्ठिन हूँ गुछाब'अना ही कोड़हे बड़ियर पत्त'अना र'ऊ आलन, अन्नु हूँ एंग्‍है नू चोन्‍हा मलकी होले, ऎन एन्‍देर हूँ मलकन।

1 कोरिन्‍थ 14:1

चोन्‍हा ही डहरे नू गुड़ियार'आ, नेम्‍हा बॊलतासी इनाम गुट्ठिन ख़क्‍खना ही कोड़हे पत्तारना नू र'आ, कोड़हे गा धर्मेसी कत्‍थन मुन्‍द तेंगना ही इनाम गे पत्तार'आ।

1 कोरिन्‍थ 14:24

लिकिन ओर्मर धर्मेसी कत्‍थन मुन्‍द तेंगनर, अरा मल पत्त'उस मलता बहरी ता आलस भितरी कोर'ओस होले, आस आर ही कत्‍था ती मोंहर'ओस ती तंगन पापी ब'ओस अरा तंग्‍है जियन जँच'ओस।

1 कोरिन्‍थ 14:29

धर्मेसी कत्‍थन मुन्‍द तिंगुर ऎंड़ झन मलता तीन झन तेंगनर नेकअन, अरा नन्‍नर गा बाचका कत्‍थन चिहुंक ती बिढ़नर नेकअन।

1 कोरिन्‍थ 3:5

होले अप्‍पोल्लॊस मुध हिकदस का? अरा ऎन पौलुस मुध हिकदन का? ऎम गा निमन पत्त'अना नू ओन्‍द्रका उर्बासी सुसर ननू लेका हिकदम। ऎम ओर्त ओर्त उर्बस एमा गे सोंपचका नल‍खन नंजकम।

1 कोरिन्‍थ 7:7

ओर्मा आलर हूँ गा एंग्‍है लेक्‍खा डिंडा र'आ गे ऎन बेद्ददन। लिकिन धर्मेस तरती ओर्मर गे मुध इनाम ख़क्‍ख्रकी र'ई। ईद ओर्तोस ओन बेसे नन्‍नस गे नन्‍ना बेसे र'ई।

2 कोरिन्‍थ 8:12

अन्ति ओर्तस गे दान चि'आ गे अंगिय'अना र'ई होले, तंग्है औसान लेक्‍खा इन्‍द्रिइमन हूँ चीतारदस, धर्मेस अदिन इंझ्रदस। नॆख'आ तिम हूँ एन्ने असरा मल नन्तार'ई का आस अपन औसान ती बग्‍गे चि'ओस।

इफेसुस 3:5

धर्मेस ई गम आबोन मुन्द ता परिया गुट्ठी ता आलर गे दहदर मल नंजका रहचस। लिकिन अक्कु गा धर्मेस तंग्है नेम्हा तइरकर गे अरा धर्मेसी कत्था तिंगुर गे इदन नेम्हा बॊलतस ती दहदर नंजका र'अदस।

इफेसुस 4:11

आसिम जोक्कोरिन तइरकर, अरा जोक्कोरिन धर्मेसी कत्था तिंगुर, अरा जोक्कोरिन दौ कत्‍थन तेंगा कुद्दुर, अरा जोक्कोरिन नैगर अरा धर्मेसी कत्थन सिखाब'उर मन्ना ही इनाम चिच्चस।

फिलिप्‍पी 3:15

औंगे नम्‍है नू एवंदा आलर बड़ियर मंज ख़च्चकानर, आर ओर्मर एन्नेम सोचनर नेकअन। अरा एकअम कत्‍था नू नीम नन्नम सोच नू र'अदर होले, अदिन हूँ धर्मेस दिम फरी ननोस।

1 थेस्‍सलोनिकॆयर 5:20

धर्मेसी कत्‍था तिंगुर ही कत्‍थन अयलह'आ अमा अख़'आ।

2 पतरस 1:20

उर्मी ती मुन्द नीम इदन अख़ना र'ई का, नेम्हा पुथी ता धर्मेसी कत्था तिंगुर ती बाचका ख़ॊख़ा मन्ना एकअम कत्था हूँ आर ही तम्है सोच ही कत्था मल्ली।