रोमी 12:5 - पुना गच्छरना NT (BSI)

⁵ अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

रोमी 12:5 ပူးပေါင်းရင်းမြစ်များ

यॊहनस 17:11

अक्‍कु ती ऎन ख़ॆख़ेल नू मल र'ओन, लिकिन ईर ख़ॆख़ेल नू र'अनर, अरा ऎन निंग्‍है गुसन बरदन। अना नेम्‍हा बंगायो, नीन एंग्‍है चिच्का निंग्‍है नामे ही सवंग ती नीन आरिन ख़ापा, का ईर नम्‍है लेक्‍खा ओन्‍टेम र'ओर।

रोमी 12:4

एन्‍देरगेका एकासे नम्‍है ओन्‍टा कया नू बग्‍गे अंग र'ई, अरा उर्मी अंग ही उनिम लेक्‍खा नलख मलकी,

1 कोरिन्‍थ 10:17

नाम ओर्मत आ ओन्‍टे असमन ख़ट्टरदत, ई चड्डे नाम बग्‍गेम र'अदत, अन्नु हूँ ओन्‍टे असमा ओन्‍टे मॆद हिकदत।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 12:20

अक्‍कु अंग गुट्ठी गा कैनो गोटंग र'ई, लिकिन ओन्‍टम मॆद मनी।

1 कोरिन्‍थ 6:15

एन्‍देर नीम बलदर का निम्‍है मॆद मसीसी अंग हवे? अन्ने होले ऎन मसीसी अंगन हो'ओन ती नन्ना आलस गुसन कालू आली ही अंग कम'ओन चि'ओन का? कहियों मला।

इफेसुस 1:23

आ कलीसिया दिम मसीसी मॆद लेक्खा र'ई। ईद उर्मी अड्डा नू उर्मी नू तंग्है र'अना ती निंद'ऊ मसीस ती निंदका र'ई।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

इफेसुस 4:25

ई चड्डे नीम ठकनन अम्‍बा चि'आ, अरा तंग्‍है तंग्‍है अरबर-परबर गने मानी कत्‍थन कछनख्र'आ, एन्‍देरगेका नाम ओर्मत ओन्टे मॆद ही अंग गुट्ठी हिकदत।

इफेसुस 5:23

एन्‍देरगरका एकासे मसीस तंग्है मॆद कलीसिया ही कुक्‍कु हिकदस, अन्नेम मॆतस तंग्है मुक्‍का ही कुक्‍कु हिकदस। अरा मसीस तानिम तंग्है मॆद कलीसिया ही नाड़ुस हिकदस।

इफेसुस 5:30

इदगेका नाम आसी मॆद ही अंग गुट्ठी हिकदत।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

कोलोस्से 2:19

अरा आस सौंसे मॆद ही कुक्कु मसीस नू जोड़रका मल र'अदस। मसीस तिम सौंसे मॆद ओट्टा ओट्टा अरा अंग अंग जोड़र'ई ती पॊसर'ई ती ओन संगे गुंथर'ई ती धर्मेसी चि'ऊ पर्दना ती पर्दनुम क'ई।