रोमी 12:2 - पुना गच्छरना NT (BSI)

² ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 12:2 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मरकुस 4:19

लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 15:19

नीम ख़ॆख़ेल ता रहचकर होले, आद निमन तंग्‍है ब'अरकी निम्‍है गने चोन्‍हा नंजकी र'ओ दने। लिकिन नीम ख़ॆख़ेल ता मलदर, एन्‍देरगेका ऎन निमन ख़ॆख़लन अम्‍बा ती बर'आ गे चज्जिका र'अदन, ख़ने ख़ॆख़ेल निमन हींड़'ई।

यॊहनस 17:14

ऎन आर गे निंग्‍है कत्‍थन चिच्कादन। अरा ख़ॆख़ेल आरिन कैर नंजा, एन्‍देरगेका ऎन एकासे ख़ॆख़ेल ही मलदन, अन्नेम आर हूँ ख़ॆख़ेल ही मलनर।

यॊहनस 7:7

ई सौंसार ही आलर निमन हींड़'आ पोलनर, लिकिन आर एंगन हींड़नर, एन्‍देरगेका ऎन आरिन तेंगदन का आर मलदौ नलख गुट्ठी नन्नर।

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

रोमी 7:12

नॆग नेम्‍हा र'ई अरा अदही पॆसका नेम्‍हा अरा ठौका अरा दौ र'ई।

रोमी 7:14

नाम अख़दत का नॆग धर्मेसी बॊलता ती बर'ई। लिकिन ऎन गा मॆद सुबहा आल हिकदन, पाप गे बिट्ठी ननू जॊंख़ बेसे बीसरका र'अदन।

रोमी 7:22

एंग्‍है जिया नू ऎन धर्मेसी नॆग आबोन पत्तारदन।

1 कोरिन्‍थ 3:19

एन्‍देरगेका ई ख़ॆख़ेल ता लूर धर्मेसी ऎरना नू बोया र'ई। नेम्‍हा पुथी नू एन्ने लिख्रकी र'ई का, “आस लूरगर आलारिन आर ही चतरा लूर ती दिम बझाब'अदस।”

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

इफेसुस 1:18

ऎन गोहरारदन का आस निमा जिया गे बिल्‍ली चि'अदस नेकअन। अत्रु तिम आस निम्है मॆख़ना ही असरा आबोन नीम अख़'आ ओंगोर, अरा तंग्है नेम्हा आलर गे मंजका आसीस ही महबा ही खुर्जी आबोन नीम अख़'ओर चि'ओर।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 4:3

धर्मेस बेद्ददस का नीम नेम्‍हा मना अरा पेहरन ही सोतरा नलख ती बछर'आ।

तीतुस 3:5

ख़ने आस नमन नाड़ियस। ईद नम्‍है नंजका बॆस नलख चड्डे मल्‍ली, लिकिन आसी सोग्‍गे चड्डे मंजा। अरा आस नम्‍है पाप गुट्ठिन नूड़ियस ती ओथ्रस चिच्‍चस। अरा नमन नेम्‍हा बॊलतस ती दौ उज्‍जा गे पुना कमचस।

याकॊब 1:27

टुरर अरा रड़ियाहीर ही दुक्‍खे नू आरिन ऎरना ख़ॊजना, अरा तान तंगन ख़ॆख़ेल ता सोतबोड़'आ ती तरकूटी उइय्ना दिम नम्‍है धर्मे बंगासी ऎरना नू निमन अरा बिगर दगहा भगती हवे।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

1 पतरस 1:14

मुन्द नीम मल बुझ्रना नू रहचकर ख़ने, मलदौ चिबाख़ारना गुट्ठी निमा नू रहचा। अदही लेक्खा अक्कुन हूँ मल उज्जरकी पॆसकन पॆस्र'ऊ ख़द्दर लेक्‍खा मना।

1 पतरस 1:18

एन्‍देरगेका नीम अख़दर का निम्‍है पूरखर ती इत्तनुम बर'आ लगी निम्है अयंदहा उज्‍जना ही डहरे ती निम्‍है नाड़रना सोना मलता चाँदी लेक्‍खा नठारना आलॊ ही दाम ती मल मंजकी र'ई।

1 पतरस 2:3

एन्देरगेका नीम अगमाचका र'अदर का नेम्हा पुथी नू बाचका लेक्खा “उर्बस एवंदा बॆस र'अस”।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।

2 पतरस 1:4

आसी महबा अरा दौ गुन्न ती दिम आसी कोड़हे अरा नगदे मईन ही गच्छरना गुट्ठी नमा गे चीरकी र'ई। ई गच्छरना गुट्ठी ती आ धर्मे सुबहा नू नीम हूँ मेस्र'आ ओंग्दर, अरा मलदौ चिबाख़ारना ती ख़ॆख़ेल नू मन्ना खुपाब'अना ती हूँ बछर'आ ओंग्दर।

2 पतरस 2:20

ईर नम्है उर्बस अरा नाड़ुस येसु मसीसी पत्त नू अक्खर ती, ई ख़ॆख़ेल ही सोतबोड़'आ नलख गुट्ठी ती बछरना ती हूँ, फेन ईर अबड़ा सोतबोड़'आ नलख गुट्ठी नू बझरका र'अनर। ईर एन्ने बझरका र'अनर होले, ईर ही ख़ॊख़ा ता दसा मुन्द ता दसा ती कोड़हे मलदौ मनी क'ई।

1 यॊहन 3:13

अना भईरो, सौंसार ता आलर निमन ख़ाँड़नर होले, अमा अकबकरा।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:8

अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्‍जना ही पुथी नू नामे मल्‍ला लिख्रका ख़ॆख़ेल नू ओक्रना ओर्मा आलर आ मेक्‍खोन महबा ननोर।