रोमी 12:12 - पुना गच्छरना NT (BSI)

¹² असरा नू खुसमार'आ, खिलपत नू सहनुम र'आ, गोहरारना नू बोथ्रका र'आ।

रोमी 12:12 ပူးပေါင်းရင်းမြစ်များ

मत्तायोस 5:12

औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

लू‍कस 10:20

लिकिन मलदौ बॊलता गुट्ठी एमन पत्त'ई ब'अके ती लेका अमके खुसमार'आ, इदगे हूँ खुसमार'आ का निम्‍है नामे मेर्ख़ा नू लिख्रकी र'ई।”

लू‍कस 21:19

नीम बड़ियर सहना गने इज्जका र'ओर होले निम्‍है जियन लाड़ोर।

लू‍कस 8:15

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

त‍इरकर 1:14

इबड़ा ओर्मर अरा जोक्‍क मुक्‍कर येसुसी तंग्यो मरियम, अरा आसी भ‍इय्योर गने ओन जिया मंजर ती गोहरारना अरा ने'अना नू र'आलियर।

त‍इरकर 12:5

जेहेल नू पतरस गुड़रकाचस ख़ने, कलीसिया आस गे धर्मेस गुसन सौंसे जिया ती नगदे गोहरार'आ लगिया।

त‍इरकर 2:42

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

त‍इरकर 6:4

होले ऎम गा गोहरारना नू अरा दौ कत्‍था तेंगना नू लक्‍का र'ओम।”

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 15:4

ऎ बग्‍गे कत्‍था मुन्‍द लिख्रकी र'ई अबड़ा नमा सिख्र'आ गेम लिख्रकी र'ई। नेम्‍हा पुथी नमा गे कयास दरा रिझ्रनन चि'ई। होले नाम असरा नना ओंग्दत।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

रोमी 8:25

लिकिन अक्‍कुन गूटी नमा एकदा मल्‍ला अदही असरा नन्‍दत होले नाम कयास गने अदही पाब ऎरा लगदत।

1 कोरिन्‍थ 13:13

अक्‍कु गा पत्त'अना, असरा, अरा चोन्‍हा इबड़ा तीनो उर्मी उल्ला बन्चकी र'ओ, लिकिन इबड़ा ती चोन्‍हा दिम कोहाँ र'ई।

2 कोरिन्‍थ 12:8

इदन एंग्‍है ती तरकूटी मना गे ऎन उर्बस ती तीन खेप नॆचकन।

फिलिप्‍पी 3:1

छेद्दे नू, अना एंग्‍है भईरो, उर्बस नू रिझ्र'आ। ऎन मुन्द बाचका कत्था गुट्ठिन अउर हूँ लिखना ती एंगा एन्‍द्रा हूँ ओत्‍था मल लग्‍गी, अरा ईद निमा दौ गेम र'ई।

फिलिप्‍पी 4:4

उर्बस नू सगरो रिझ्र'आ, ऎन अउरिम ब'अदन रिझ्र'आ!

कोलोस्से 1:11

अरा धर्मेस तंग्है कोड़हे सवंग ही लेक्खा उर्मी सवंग गने निमन बड़ियर कम'ओस, होले नीम उर्मी रकम ही सहना अरा खतिर नन्नन ख़क्खोर,

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

कोलोस्से 4:2

गोहरारतेम र'आ, अरा धर्मेस गे धन्‍यवाद नना ती गोहरारना नू एज्रका र'आ।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 5:8

लिकिन नाम गा उल्‍ला ही मंजकत ती जगचका र'अरकी पत्त'अना अरा चोन्‍हा ही कवच अत्तोत, अरा नाड़रना ही असरा आबोन पन्ना ही टोपी बेसे अत्तोत।

2 थेस्‍सलोनिकॆयर 1:4

लिकिन निमा बरचकी र'ई आ सस्‍ती अरा खिलपत बेड़ा नू सहना अरा पत्त'अना नू ऎम फुल‍ई मन्‍दम। अरा निम्‍है पत्त नू धर्मेसी नन्ना कलीसिया गुट्ठी संगे कछनख्रदम।

2 थेस्‍सलोनिकॆयर 3:5

धर्मेसी चोन्‍हा अरा मसीसी कयास ती उर्बस निम्‍है जियन कड़हाब'अदस नेकअन।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

2 तीमोथियुस 3:10

लिकिन ऎन आलारिन एन्‍देर सिखाब'अदन, अरा एकासे ऎन उज्‍जदन, अरा एंग्‍है उज्‍जना नू एंग्‍है चिताबुतन, अरा धर्मेस नू एंग्‍है पत्त'अनन, अरा आलर नू एंग्‍है कयास अरा चोन्‍हा नन्नन अरा दुक्‍खे सारनन नीन बॆस अख़दय।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

तीतुस 3:7

आस तंग्‍है मया ती नमन उजगो आल ऎदस, अरा नमा गे जनमजुग ही उज्‍जना ख़क्‍खा गे असरा चिच्‍चस।

इब्रानी 10:32

धर्मेसी बिल्‍लिन ख़क्खका मुन्‍द ता उल्‍ला गुट्ठी नू नीम एकासे रहचकर, अदिन सुरता नना। अबड़ा उल्‍ला नू नीम कोड़हे खिलपत अरा सस्‍ती नू हूँ जिटजिट ने इज्‍जका रहचकर।

इब्रानी 10:36

निमा सहना ती र'अना चाड़ र'ई। होले नीम धर्मेसी मनेन नंज ख़च्चिका ती आसी गच्‍छरका ख़ंजपन ख़क्‍खोर।

इब्रानी 12:1

औंगे ई लेक्‍खा नगदे बग्‍गे पत्त'अना ती उज्‍जका आलर ही पत्त ता गोवाह गुट्ठी कोहाँ बदाली बेसे नम्‍है ओनबेंड़र'आ र'ई। होले बरा, नाम छिक'ऊ उर्मी आलॊ गुट्ठिन अरा लॆम अड़झ'अना पाप गुट्ठिन अम्‍बोत ती धर्मेस नमा गे उइय्कादस आ बोंगना नू सहना ती चिहुट नन्‍ते बोंगदत नेक‍अन।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

इब्रानी 5:7

येसुस ख़ॆख़ेल नू उज्‍जना बेड़ा, नॆ आसिन खे'अना ती बछाब'आ ओंग्दस आ धर्मेसिन चिच्चि‍यारनुम अरा चींख़नुम गोहरारस ती बिन्‍ती नंजस। आस धर्मेसिन कोहाँ म‍ईन नन्ना ती आसी गोहरारनन धर्मेस मेंजस।

इब्रानी 6:12

ऎम बेद्ददम का नीम लंडी अमा मना। लिकिन ईर लेक्‍खा र'आ का नॆ पत्त'अना अरा सहना ही चड्डे धर्मेस आर गे गच्‍छरका गच्‍छरकन ख़क्‍खियर।

इब्रानी 6:15

तहाँ अब्राहमस खतीर नंजका ती पाब ऎरना ही ख़ॊख़ा तंगा गे गच्‍छरका आबोन ख़क्‍खियस।

याकॊब 5:7

औंगे अना एंग्है भईरो, उर्बासी किर्रना गूटी खतिर नना। ऎरा, एकासे ख़ल्ल उर्बस तंग्‍है कोड़हे दामे ही खिती मना गे पहिल बरखा ती छेद्दे बरखा गूटी खतिर नन्दस।

1 पतरस 4:13

लिकिन मसीसी सस्ती गुट्ठी नू ऎम हूँ मेस्रदम एन्ने सोच'अरकी रिझ्र'आ। ख़ने आसी महबा दहदर मन्ना ही बेड़ा नू नीम अउर कोड़हे रिरयार'ओर।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

2 पतरस 1:6

अरा लूर गने जियन सम्ड़'अना, अरा जियन सम्ड़'अना गने खतिर नन्ना, अरा खतिर गने भगती।

दहदर मंजका कत्‍था 13:10

नेकईम गुड़रना र'ई होले, आस गुड़र'ओस दिम। नेकईम तलवार ती पिटरना र'ई होले, आस तलवार ती पिटतार'ओस दिम। इदही मने ईद हिके का, नेम्‍हा आलर खिलपत आबोन खतिर गने सहना ती पत्त'अना नू जिटजिटने र'अना र'ई।