रोमी 11:20 - पुना गच्छरना NT (BSI)

²⁰ मानिम दिम हिके। अबड़र मल पत्त‍'अना चड्डे खंडरकी तरकूटी नन्तारकी र'ई, अरा नीम पत्त'अना ही जोर ती दिम अक्‍कु गूटी बड़ियर र'अदर। औंगे ई चड्डे अमा फुल‍ई नना लिकिन चिहुंक र'आ।

रोमी 11:20 ပူးပေါင်းရင်းမြစ်များ

लू‍कस 18:14

ऎन निमन ब'अदन, हूस मला ईस धर्मेसी ऎरना नू उजगो मनरकी एड़पा केरस। एन्‍देरगेका नॆ तंगन कोहाँ नन्‍दस आस सन्नी मन्‍तार'ओस। अरा नॆ तंगन सन्नी कम'ई आस कोहाँ मनतार'ओस।”

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

रोमी 11:18

औंगे नीम खंड्रका आ डाड़ा गुट्ठिन ख़ाँड़ना ती नीम अमा फुल‍ई नना। एन्ने नीम सोचदर होले नीम सुरता उइय्या का नीम पादन मल सम्ड़'अदर, लिकिन पादा निमन सम्ड़'ई।

रोमी 11:21

एन्‍देरगेका धर्मेस दौ जैतून मन्न ही मूर डाड़न हूँ मल अम्‍बियस होले नीम कलम नंजका डाड़न सेब्‍बा ती अम्‍बोस।

रोमी 12:16

अपन ती नन्नर नू कोड़े गने उज्‍जा। अमा फुल‍ई नना, लिकिन टूटपुंजिया आलर गने मेस्र'आ ती र'आ। निमन लूरगर अमा सोच'आ।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

रोमी 3:3

जोक्‍क यहूदीर धर्मेसिन मल पत्ताचकर। होले ईर ही मल पत्त'अना ती धर्मेस तंग्‍है गच्छरका आबोन अम्‍बोस चि'ओस का?

1 कोरिन्‍थ 10:12

औंगे एका ओर्तस सोचदस का आस बड़ियर इज्‍जकादस, आस चिहुंक र'अन नेकअन का अम्‍बोस खत्र'आ।

1 कोरिन्‍थ 15:1

अना भईरो! अक्‍कुन ऎन निमन तिंका दौ कत्‍थन अउर हूँ सुरत'आ गे बेद्ददन। अदिन नीम इंझ्रकर हूँ अरा अइय्या नीम बड़ियर मंजकर ती र'अदर।

1 कोरिन्‍थ 16:13

नीम एज्रका र'आ, अरा पत्त'अना नू ठिमठिम ने र'आ, अरा डिढ नना, अरा बड़ियर मना।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

फिलिप्‍पी 2:12

औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

कोलोस्से 2:7

अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

2 थेस्‍सलोनिकॆयर 2:4

आस उर्मी देंवता अरा आलर महबा नन्नर अबड़ा ओर्मा ती तंगन कोहाँ मन्‍दस ती अबड़ा ही बिड़दो नू मन्‍दस। आस धर्मेसी मन्‍दिर नू धर्मेस लेक्‍खा ओक्‍कदस ती तंगन धर्मेस ऎद्ददस।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

इब्रानी 3:12

अना भ‍ईरो! नीम चिहुंक र'आ। निम्‍है ती नॆखा हूँ मलदौ अरा मल पत्त'अना ही जिया अम्‍बन मना, एकदा निमन उज्‍जना धर्मेस ती तरकूटी ननो।

इब्रानी 3:19

औंगे नाम ऎरदत का आर ही मल पत्त'अना ही चड्डे आर आसी ख़न्न ऎख़्रना अड्डा नू कोर'आ पोल्‍लर।

इब्रानी 4:11

औंगे नाम आ ख़न्न ऎख़्रना अड्डा नू कोर'आ गे बग्‍गे तिहा नन्‍दत नेक‍अन, लिकिन आर एकासे नंजर अन्ने नाम धर्मेसिन मल पॆस्र'ओत होले, खत्र'ओत क'ओत।

इब्रानी 4:6

मुन्‍द ता बेड़ा नू मेन्‍तारका आ दौ कत्‍थन नॆ मेंजर आर तम्‍है मल पॆस्रना ती ख़न्न ऎख़्रना अड्डा नू मल कोरचर। अन्‍नु हूँ जोक्‍क आलर अइय्या कोर'आ गे ईद धर्मेस ती उइर ख़च्चरकी र'ई।

याकॊब 2:19

नीन पत्त'अदय का, ओन्टे लेका धर्मेस र'अदस। आद दौ हिके। नाद गुट्ठी हूँ गा अदिन पत्त'ई, अरा इल्‍ची अरा असरी।

याकॊब 4:6

लिकिन धर्मेस गा ख़ॆख़ेल ता मलदौ ती नाम तरकूटी र'आ गे कोड़हे मया चि'अदस। औंगेम नेम्हा पुथी एन्ने ब'ई का, “धर्मेस फुलई मनुर मइय्याँ बिड़दो मन्दस, अरा लुद'उर मइय्याँ मया नन्दस।”

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

1 पतरस 5:9

निम्है पत्त'अना नू बड़ियर मना ती आसी बिड़दो नू जुझर'आ। एन्देरगेका नीम अक्कर का, सौंसे ख़ॆख़ेल नू ता निम्है मसी भई बहिनर हूँ निम्है लेक्खम सस्ती सार'आ लगनर।

दहदर मंजका कत्‍था 18:7

एवंदा आद तंगन मईन नंजा ती सुख-सौंरत गने उज्जकी र'ई, औंदम अदगे डाहरना अरा ख़ोदख़रना चि'आ, एन्‍देरगेका आद तंग्‍है जिया नू ब'ई, ‘ऎन बॆलनी मंजकी र'एन, ऎन रड़ियाही मल्लेन, ख़ोदख़रना नू इकला हूँ मल खत्र'ओन।’

दहदर मंजका कत्‍था 3:17

नीन एन्ने ब'अदय का, ‘ऎन उरुब र'अदन, अरा एंग्‍है गुसन उर्मी र'ई, अरा एंगा इन्द्रिइम लॊ ही चाड़ मलकी।’ लिकिन नीन इदन बलदय का, नीन कोहाँ ख़त्तय अरा नॆख'आ ही मया मलका अरा कीड़ा अरा अन्धहा अरा ठेठेंगे र'अदय।