रोमी 11:2 - पुना गच्छरना NT (BSI)

² धर्मेस तंग्‍‍है आलारिन एकदन आस मुन्द दिम चज्जिकाचस आरिन मल अम्‍बा ख़च्‍चियस। एन्‍देर नीम बलदर का? नेम्‍हा पुथी धर्मेसी कत्‍था तिंगू एलियसी पत्त नू एन्‍देर ब'ई, एकासे आस धर्मेसिन इस्राऎलर ही बिड़दो नू गोहरारस।

रोमी 11:2 ပူးပေါင်းရင်းမြစ်များ

मरकुस 12:26

नेम्हा पुथी नू एन्ने लिख्रकी र'ई का इकला धर्मेस मूसस गे लघरना ख़ोप्‍पा नू ऎथ्रस ख़ने आस बाचस, ‘ऎन अब्राहम अरा इसाक अरा याकॊबसी धर्मे हिकदन।’

लू‍कस 4:1

फिन येसुस नेम्हा बॊलतासी सवंग नू मनरकी यरदन ख़ाड़ ती किर्रियस। बॊलता आसिन टोड़ंग नू काला गे कड़हाबाचा।

यॊहनस 4:11

ख़ने आ आली आसिन बाचा, “अना उर्बायो, निंग्‍है गुसन अम्मु नीदा गे एन्‍द्रा हूँ मल्‍ला, अरा तूसा हूँ ख़ोड़ख़ा र'ई, होले उज्‍जना चि'ऊ अम्मु नीन एसले ख़क्‍खोय?

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

त‍इरकर 15:18

इबड़न नॆ हुल्‍लो ती अख़ताचस।’

त‍इरकर 3:17

भ‍ईरो! ऎन अख़दन का नीम अरा निम्‍है मुद्धर तम्‍है बल्‍लना ती इदिन येसुस गे नंजर।

त‍इरकर 7:40

अरा आरॊन ती बाचर, ‘एम्‍है मुन्‍द मुन्‍द काला गे एमा देंवता गुट्ठी कम'आ, ई मूसस गा एमन मिसर देस ती ओथ्रस ओन्‍द्रकाचस, लिकिन ऎम बल्‍लालदम का आस गे एन्‍देर मंजा।’

रोमी 6:16

नीम मानिम अख़दर का नीम निमन एका ओर्तस गे मन'आ गे बिट्ठी ननू जॊंख़स बेसे चि'अदर होले मानिम नीम आ आलासी बिट्ठी ननू जॊंख़ र'अदर। अन्ने नीम पाप गे बिट्ठी ननू जॊंख़ र'अदर होले, अदही बनी खे'अना र'ई मलता नीम धर्मेसिन मनदर होले आद निमन उजगो कम'ई।

रोमी 9:23

आस एन्ने कोड़हे कयास नंजस का नॆ आसी सोग्‍गेन इंझ्रकर आर आसी कोड़हे महबा आबोन ऎरा ओंगोर। आस आरिन मुन्‍द तिम आ महबा गे सपड़ाचस।

रोमी 9:6

इदही मने ईद मल्‍ली का धर्मेस तंग्‍है गच्‍छरनन पूरा मल नंजस। इदगेका इस्राऎल ही बनस ती बरचका ओर्मर मानिम इस्राऎल आलर मलनर।

1 कोरिन्‍थ 6:2

एन्‍देर नीम इदिन बलदर का नेम्‍हा आलर सौंसार ही नेंवई ननोर? नीमिम सौंसार ही नेंवई ननू र'अदर होले, नीम सन्नी ती सन्नी कत्‍था ही नेंवई नना गे पोलदर का?

1 कोरिन्‍थ 8:3

लिकिन ओर्तोस धर्मेसिन चोन्‍हा नन्‍दस होले, आस धर्मेस ती अख़तारदस।

फिलिप्‍पी 1:22

लिकिन ऎन ई मॆद नू उज्‍जना बारी र'ओन होले, मसीस गे बॆस अर्ज'अना नलख नना ओंगोन। औंगे ऎन बुझ्र'आ पोल्‍दन का ऎन एन्‍द्रन चाजोन, उज्जना बारी र'अना महले खे'अना।

इब्रानी 1:1

चिरान नू धर्मेस गा घड़ी घड़ी अरा नन्ना नन्ना घत ती नम्‍है पुरखारिन धर्मेसी कत्‍था तिंगुर ती बाचका रहचस।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।