रोमी 11:18 - पुना गच्छरना NT (BSI)

¹⁸ औंगे नीम खंड्रका आ डाड़ा गुट्ठिन ख़ाँड़ना ती नीम अमा फुल‍ई नना। एन्ने नीम सोचदर होले नीम सुरता उइय्या का नीम पादन मल सम्ड़'अदर, लिकिन पादा निमन सम्ड़'ई।

रोमी 11:18 ပူးပေါင်းရင်းမြစ်များ

मत्तायोस 26:33

लिकिन पतरस आसिन बाचस, “ओर्मर निंगन अम्‍बोर होले अम्‍बोर नेकअन, ऎन मल अम्‍बोन।”

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 4:22

नीम समारिया ता आलर मानिम नू बलदर, नॆकन महबा नन्‍दर, अरा ऎम यहूदीर अख़दम, नॆकन महबा नन्‍दम, एन्‍देरगेका नाड़रना यहूदीर ती बर'ई।

त‍इरकर 25:7

पौलुस बरचस ख़ने, येरुसलॆम ती बरचका यहूदीर ही अदिया उइय्युर आसिन बेड़हचर चिच्‍चर, अरा आसी म‍इय्याँ कैनो गोटंग कोड़हे कोहाँ बदी ठेकाब'आ हेलरर, लिकिन अदही आर सबुती चि'आ पोल्‍लर।

रोमी 11:20

मानिम दिम हिके। अबड़र मल पत्त‍'अना चड्डे खंडरकी तरकूटी नन्तारकी र'ई, अरा नीम पत्त'अना ही जोर ती दिम अक्‍कु गूटी बड़ियर र'अदर। औंगे ई चड्डे अमा फुल‍ई नना लिकिन चिहुंक र'आ।

रोमी 3:27

औंगे नॆका हूँ फुल‍ई नना गे अड्डा र'ई का? अदगे अड्डा मल‍की। एन्‍देरगे एन्‍ने मलकी? उजगो मनरकी धर्मेस ती इंझ्रतारना पॆसका आबोन पॆस्रना ती मला लिकिन पत्त'अना ती मनी।

रोमी 4:16

औंगे धर्मेसी गच्‍छरना पत्त'अना ती ख़क्ख्र'ई। ई गच्‍छरका सिथिया ही मया ती अब्राहमसी जंईपुंई ओर्मर गे चितार'ई। ईद मूसासी पॆसका ही तबे नू र'उर गे लेका मला नाम ओर्मर ही बंग अब्राहमस एकासे पत्ताचस, अन्ने पत्त'ऊ आलर गे हूँ चितार'ई।

1 कोरिन्‍थ 10:12

औंगे एका ओर्तस सोचदस का आस बड़ियर इज्‍जकादस, आस चिहुंक र'अन नेकअन का अम्‍बोस खत्र'आ।

गलातिया 3:29

नीम मसीसी हिकदर होले अब्राहमसी बनस हिकदर। अरा धर्मेस अब्राहमस गने नंजका गच्‍छरना चड्डे नीम धर्मेसी आसीस ख़क्खोर।