रोमी 11:14 - पुना गच्छरना NT (BSI)

¹⁴ एकअम ‍अन्ने ऎन एंग्‍है जातियारिन हराजीता मन्ना ती अरा ई लेक्‍खा आर ती जोक्‍कोर ही नाड़रना ही हूँ असरा नन्‍दन।

रोमी 11:14 ပူးပေါင်းရင်းမြစ်များ

रोमी 10:19

ऎन अउरिम मेन्‍दन, इस्राऎलर अबड़ा कत्‍थन मल बुझ्रर का? आर बुझ्रर। मुन्‍द गा, मूसस धर्मेसी ई कत्थन ब'अदस, “निमन ऎन एकार एंग्‍है चज्जिका जातियर मलनर आर ही ती इस्‍गा नन्‍त'ओन, अरा निमन ऎन एन्‍द्रा हूँ मल बुझ्र'ऊ जातियर ती ख़ीस नन्‍त'ओन।”

रोमी 11:11

औंगे ऎन मेन्‍दन, “एन्‍देर यहूदीर मूड़ना चड्डे सदौ गे नठार ख़च्चिकानर का?” कहियों मला! आर ही अक्‍का-बलका गुट्ठी ही चड्डे नन-यहूदीर गे नाड़रना ख़क्‍ख्रकी र'ई, एकत्रु यहूदीर नाड़रना ख़क्‍खा गे हराजीता मनोर।

रोमी 9:3

ऎन एंग्‍है भ‍ईर बहिनर एंग्‍है जातियर गे संगरा नना गे बेद्ददन। आरिन नाड़ा गे ऎन तानिम सरपारना अरा मसीस ती ओथ्रतारना काना मनो होले हूँ अदिन सह'आ गे सपड़ारकादन।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 7:16

अना मुक्‍कायो, नीन सुरता नन्ना र'ई का नीन निंग्‍है मॆतासी नाड़रना ही चड्डे मना उंगदी। अना मॆतायो, नीन सुरता नन्‍ना र'ई का नीन निंग्‍है मुक्‍का ही नाड़रना ही चड्डे मना ओंग्‍दय।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

1 तीमोथियुस 2:4

आस उर्मी आलारिन नाड़ा गे अरा मानिम आबोन बॆस लगे बुझ्र'आ गे बेद्ददस।

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।

2 तीमोथियुस 1:9

धर्मेस दिम नमन नाड़ियस ती नेम्‍हा उज्‍जा गे मीख़कादस। आस इदन नम्‍है नलख ती मला लिकिन आसी चीता बूता अरा मया ती चिच्‍चस। ई मया ऒड़ ती मुन्‍द मसी येसुस ती नमा गे मंजकी र'ई।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

तीतुस 3:5

ख़ने आस नमन नाड़ियस। ईद नम्‍है नंजका बॆस नलख चड्डे मल्‍ली, लिकिन आसी सोग्‍गे चड्डे मंजा। अरा आस नम्‍है पाप गुट्ठिन नूड़ियस ती ओथ्रस चिच्‍चस। अरा नमन नेम्‍हा बॊलतस ती दौ उज्‍जा गे पुना कमचस।

फिलॆमॊन 1:12

एंग्है कोड़हे चोन्हा ही ओनॆसिमोसिन ऎन निंग्है गुसन किर्त'अर तइय्दन।

इब्रानी 1:14

उर्मी मेर्ख़ा पैकर तेतर-सुसर ननू बॊलता हिकनर, नॆ नाड़रनन ख़क्‍खोर आर गे संगरा नना गे अबड़ा त‍इतार'ई।

इब्रानी 2:3

औंगे नाम ई कोड़हे कोहाँ नाड़रनन हींड़'ओत होले, नाम एकासे दंडे ती बछर'ओत? ई नाड़रना गा मुन्‍द उर्बस ती तेंगतारा अरा नॆ नॆ इदन मेंजर आर ती ईद नमा गे मानिम अख़तारा।

याकॊब 5:20

आस इदन अख़'आ हो'आ का, आस ओर्त पपहा आलासिन आसी मलदौ डहरे ती किर्त'अदस, अरा आस आसिन जनमजुग खे'अना ती बछाब'अदस, अरा आस आ पपहा आलासी कैनो गोटंग पाप गुट्ठिन अम्बत'अना गे चड्डे मन्दस।