रोमी 11:11 - पुना गच्छरना NT (BSI)

¹¹ औंगे ऎन मेन्‍दन, “एन्‍देर यहूदीर मूड़ना चड्डे सदौ गे नठार ख़च्चिकानर का?” कहियों मला! आर ही अक्‍का-बलका गुट्ठी ही चड्डे नन-यहूदीर गे नाड़रना ख़क्‍ख्रकी र'ई, एकत्रु यहूदीर नाड़रना ख़क्‍खा गे हराजीता मनोर।

रोमी 11:11 ပူးပေါင်းရင်းမြစ်များ

लू‍कस 20:16

आस बर'ओस ती इबड़ा बटकी ठिका होच्चका उर्बारिन पिटोस, अरा अंगुर बटकी ही ठिका नन्‍ना उर्बर गे चि'ओस।” इदन आलर मेंजर ती बाचर, “धर्मेस एन्ने अम्‍बन नना नेक‍अन।”

त‍इरकर 13:42

बरनबास अरा पौलुस गोड़हा एड़पा ती उरखा लगियर ख़ने, बरना ख़न्न ऎख़्रना उल्‍ला हूँ इबड़ा ही पत्त नू अउरिम तेंगा गे आलर गोहरारर।

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

रोमी 10:19

ऎन अउरिम मेन्‍दन, इस्राऎलर अबड़ा कत्‍थन मल बुझ्रर का? आर बुझ्रर। मुन्‍द गा, मूसस धर्मेसी ई कत्थन ब'अदस, “निमन ऎन एकार एंग्‍है चज्जिका जातियर मलनर आर ही ती इस्‍गा नन्‍त'ओन, अरा निमन ऎन एन्‍द्रा हूँ मल बुझ्र'ऊ जातियर ती ख़ीस नन्‍त'ओन।”

रोमी 11:1

तहाँ ऎन मेन्‍दन का धर्मेस तंग्‍है आलारिन अम्‍बियस चिच्चस का? कहियों मला! ऎन हूँ गा इस्राऎल आलन हिकदन, अब्राहमसी बनस तन अरा बेनियमिनसी गोतर तन।

रोमी 11:12

अक्‍कुन यहूदीर ही अक्‍का-बलका सौंसे ख़ॆख़ेल ता आलर गे कोड़हे बरकत ओन्‍द्रा, आर ही फोकरना नन-यहूदीर गे अजगुत मनी। होले सौंसे यहूदीर दौ कत्‍थन इंझ्रका ती एवंदा अजगुत बरकत ओन्‍द्र'ई।

रोमी 11:14

एकअम ‍अन्ने ऎन एंग्‍है जातियारिन हराजीता मन्ना ती अरा ई लेक्‍खा आर ती जोक्‍कोर ही नाड़रना ही हूँ असरा नन्‍दन।

रोमी 11:31

आ बेसेम यहूदीर अक्‍कु धर्मेसी कत्‍थन मल पॆस्रर। धर्मेस निम्‍है म‍इय्याँ ऎदका सोग्‍गे लेक्‍खा आर हूँ ख़ॊख़ा सोग्‍गे ख़क्‍खोर।