4 एन्देरगेका धर्मेस एन्देर गे नॆग चिच्चस अदही मनेन मसीस पूरा नंजस, औंगे एका ओर्तर मसीसिन पत्त'ओर आर उजगो मनतार'ओर।
ख़ने येसुस आसिन आनाकिर्ताचस, “अक्कु एन्नेम मना चि'आ, नमा गे एन्नेम धर्मेसी मने लेक्खा उर्मी नन्ना चाड़ र'ई।” ख़ने यॊहनस येसुसिन नॊड़रत'आ गे मने मंजस।
एन्देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।
धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्टा दिम र'ई।
आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्हा कमदस, अरा आस नमन पाप ती अम्बत'अदस।
औंगे नॆग नमन मसीस हेद्दे ओन्द्र'आ गे नम्है ईरू-ख़ूजू मंजा का नाम पत्त'अना ती उजगो आल मनोत।
अरा मूसासी नॆग ही तबे नू र'अना आलारिन अम्बत'ओस ती नाड़ोस। अरा नमा गे गॊद होच्का लेक्खा ख़द्द मना गे आकुस चि'ओस।
अरा आस नू नीम निंद्रकादर, एकास उर्मी अक्स'उर अरा अदिया गुट्ठी ही अक्स'ऊ हिकदस।
इबड़ा उर्मी नॆग गुट्ठी गा बर'ऊ र'ई आ आलॊ ही ऎख़ लेका हवे, लिकिन अबड़ा ही मानी मने गा मसीसी पत्त नू र'ई।
औंगे आस उनिम दाँड़े ती नेम्हा मनू आलारिन जनमजुग गे पखड़ नंजस।