रोमी 10:3 - पुना गच्छरना NT (BSI)

³ एन्‍देरगेका धर्मेस आलारिन एकन्ने उजगो कमदस अदिन आर बल्‍लर, अरा आर तमन तम्‍है मने ती उजगो नना गे चिहुट नंजर। ख़ने आर धर्मेस तमन उजगो नना गे मल चिच्‍चर।

रोमी 10:3 ပူးပေါင်းရင်းမြစ်များ

लू‍कस 10:29

लिकिन आस तंगन उजगो ऎद'आ गे येसुसिन मेंजस, “होले एंग्‍है अरबर-परबर एका ओर्तर?”

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

रोमी 1:17

नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

रोमी 10:2

ऎन आर ही पत्त नू ई गोवाह चि'आ ओंग्दन का आर ही म‍इय्याँ धर्मेस गे इन्द्रिइम नन्‍ना ही मने गा र'ई। लिकिन आर ठौका डहरेन बलनर।

रोमी 10:20

धर्मेसी कत्‍था तिंगू यसायास हूँ डिढ नंजस ती धर्मेसी ई कत्‍थन ब'अदस, “नॆ एंगन मल बेद्दा लगियर अबड़र एंगन ख़क्‍खियर अरा नॆ एंग्‍है पत्त नू मल मेनालियर आर गे ऎन एंगन दहदर नंजकन।”

रोमी 11:7

ईद एन्ने र'ई का, इस्राऎल आलर एका कत्‍थन बेद्दना नू रहचर अदिन उर्मीर गा पोल्‍लर ख़क्‍खा। लिकिन धर्मेसी ती चज्जिका जोक्‍क आलर अदिन ख़क्‍खियर। अरा बछ्रका आलर ही जिया बेड़हा मंजा केरा।

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

रोमी 3:26

ई परिया नू तंग्‍है उजगो आबोन ऎद'आ गे धर्मेस येसुसिन चिच्‍चस। धर्मेस इदिन एन्ने ऎद'आ गे नंजस का आस ठौका ती नेंव‍ई नना ओंग्दस, अउर हूँ आस येसुस म‍इय्याँ पत्त'उरिन उजगो कमदस।

रोमी 5:19

एकासे का ओर्त आलस धर्मेसिन मल मन्नना ती कोड़हे आलर पपहा मंजर केरर। अन्नेम ओर्त आलस धर्मेसिन मन्नना ती कोड़हे आलर उजगो मन्र'ओर क'ओर।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।