रोमी 10:2 - पुना गच्छरना NT (BSI)

² ऎन आर ही पत्त नू ई गोवाह चि'आ ओंग्दन का आर ही म‍इय्याँ धर्मेस गे इन्द्रिइम नन्‍ना ही मने गा र'ई। लिकिन आर ठौका डहरेन बलनर।

रोमी 10:2 ပူးပေါင်းရင်းမြစ်များ

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

त‍इरकर 21:20

अबड़र इदिन मेंजर ती धर्मेसी महबा नंजर। फेन आस ती बाचर, “अना भ‍ई, नीन ऎरदय का यहूदी आलर ती कैयो हजार आलर पत्ताचका र'अनर। आर ओर्मर मूसासी नॆग नू मूलख़का र'अनर।

त‍इरकर 21:28

अरा चिच्चियारर, “अना इस्राऎल आलारो, एमा सहाड़ा नना! ईस आ आलस दिम, एकास नम्‍है आलारिन अरा मूसासी नॆग ही अरा ई अड्डा ही बिड़दो नू उर्मी आलारिन अरा उर्मी अड्डा नू सिखाब'अदस, अरा नन-यहूदी आलारिन हूँ आस धर्मेसी मन्दिर नू ओन्‍द्रस ती ई नेम्‍हा अड्डन सोतबोड़'आ नंजका र'अदस।”

त‍इरकर 22:22

आसी एन्ने ब'अना गूटी अबड़ा आलर आसहीन मेना लगियर। तहाँ जॊरसरिया चिच्चियारर ती बाचर, “एन्ने आलासिन ख़ॆख़ेल ती पिटा चि'आ, ईस गा उज्‍जना जॊगे मलकस।”

त‍इरकर 22:3

“ऎन गा यहूदी आलन हिकदन। ऎन किलिकिया देस ता तरसोस नगरे नू कुन्‍द्रकन। अरा ई येरुसलॆम नगरे नू पर्दकन ती गमालिऎलसी ख़ेड्डमूली उक्‍कन ती नम्‍है पूरखर ही नॆग अरा चाल गुट्ठिन ठौका ठौका सिख्रकन। अरा धर्मेस गे एन्ने मूलख़का रहचकन, एकासे इन्ना नीम ओर्मर र'अदर।

रोमी 10:1

अना भ‍ईरो! एंग्‍है जिया ही चिबाख़ारना अरा धर्मेसिन एंग्‍है गोहरारना ईद र'ई का इस्राऎल आलर नाड़रना ख़क्ख्रना र'ई।

रोमी 10:3

एन्‍देरगेका धर्मेस आलारिन एकन्ने उजगो कमदस अदिन आर बल्‍लर, अरा आर तमन तम्‍है मने ती उजगो नना गे चिहुट नंजर। ख़ने आर धर्मेस तमन उजगो नना गे मल चिच्‍चर।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

2 कोरिन्‍थ 8:3

आर ही पत्त नू एंगा गोवाह ईद का आर तम्है औसान ती हूँ, अरा तम्है औसान ती चाड़ियर ती हूँ दान चिच्चर। अरा तम्है गोट्टा जिया ती दान चिच्चर।

गलातिया 1:14

एंग्‍है बग्‍गे जातियर गुट्ठी ती नॆ एंग्‍है गने ता रहचर, आर ती यहूदी खोंड़हा नू परदनुम मुन्‍द काला लिक्‍कन। अरा एम्‍है पूरखर ही चाल गुट्ठी गे नगदे रिझ्र'आ लिक्‍कन।

गलातिया 4:15

ख़ने नीम बग्‍गे रिझ गने रहचकर। लिकिन अक्‍कु निम्‍है अबड़ा रिझ एसन केरा? ऎन निम्‍है पत्त नू ब'आ ओंग्दन का मने मन्‍ना होले नीम निम्‍है ख़न्‍नन ओथ्र'ओर ती एंगा चि'ओर दने।

फिलिप्‍पी 1:9

एंग्हा गोहरारना ईद र'ई का निम्‍है चोन्‍हा अरा लूर अरा उर्मी रकम ही लखना अउरिम पर्दी नेकअन।

फिलिप्‍पी 3:6

अरा धर्मेस मइय्याँ ता एंग्है सकत ओत्था ती ऎन कलीसिया गुट्ठिन सताबाचका आलन रहचकन। अरा यहूदी नॆगन पॆस्रना ही पत्त नू ऎन उर्मी नॆगन पॆस्रका ती बिगर बदी ही रहचकन।

कोलोस्से 4:13

आस निमा गे अरा लवोदिकेया अरा हिएरापोलिस नगरे गुट्ठी नू र'ऊ पत्त'उर गे कोड़हे नलख नंजस, इदही ऎन गोवाह हिकदन।