रोमी 10:18 - पुना गच्छरना NT (BSI)

¹⁸ लिकिन ऎन मेन्‍दन, एन्‍देर इस्राऎलर दौ कत्‍थन मल्‍ला मेंजका का? आर मेंजकम र'अनर। एन्‍देरगेका नेम्‍हा पुथी ब'ई, “आर ही सड़ा सौंसे ख़ॆख़ेल नू बींड़्रकी किरकी र'ई, अरा आर ही कत्‍था गुट्ठी ख़ॆख़ेल ठुट्ठु गुट्ठी गूटी अंड़सिया।”

रोमी 10:18 ပူးပေါင်းရင်းမြစ်များ

मत्तायोस 24:14

अरा धर्मेसी राजी ही ई दौ कत्‍था सौंसे ख़ॆख़ेल नू मेन्‍द्र'ओ का उर्मी राजी ता आलर इदन मेनोर, फिन मुंज्रना अंड़सा ख़च्‍चो।

मत्तायोस 26:13

ऎन निमन मानिम ब'अदन का सौंसे ख़ॆख़ेल नू एसन एसन दौ कत्‍था तेंग्र'ओ असन असन ईद ही नलख ईद ही सुरता गे तेंगतार'ओ।”

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मत्तायोस 4:8

तहाँ नाद येसुसिन नगदे मेच्‍छा परता नू कड़हाबाचा अरा ख़ॆख़ेल ता सौंसे राजी गुट्ठिन अरा अब़डा ही महबन ऎदा,

मरकुस 16:15

अरा आस आरिन आनियस, “सौंसे ख़ॆख़ेल नू कला अरा उर्मी आलर गे दौ कत्‍थन मेन्‍त'आ।

मरकुस 16:20

अरा चेलर उरखरकी उर्मी अड्डा नू दौ कत्‍थन मेन्‍ताचर। अरा उर्बस आरिन अकबक नलख नन्‍त'अना नू आर ही गने नलख ननालियस। इबड़ा नलख गुट्ठी ई कत्‍थन मानिम साबित नंजा।] आमेन।

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 26:20

औंगे मुन्‍द गा ऎन दमसकोस, फिन येरुसलॆम ता र'ऊ आलारिन, अदही ख़ॊख़ा सौंसे यूदेया राजी नू, अरा नन-यहूदीर नू हूँ तेंगा कुद्दकन का आर जियन किर्त'अना र'ई अरा जिया किर्त'अना ही जॊगे नलख नन्‍ना र'ई।

त‍इरकर 28:23

ख़ने आर पौलुस गे ओन्‍टा उल्‍ला ओकताचर। अउला नगदे आलर पौलुस डेरा नंजका अड्डा नू जुम्मरर। आस पैरी ती पुतबीरी गूटी धर्मेसी राजी ही पत्त नू फरीफरी आर गे तिंगियस। अरा आस मूसासी नॆग ती अरा धर्मेसी कत्‍था तिंगुर ही पुथी ती येसु मसीसी पत्त नू तेंगना ती आर येसुसिन पत्त'आ गे चिहुट नंजस।

रोमी 1:8

मुन्‍द ऎन निमा ओर्मर गे येसु मसीस ती नम्‍है धर्मेसी धन्‍यवाद नन्‍दन का निम्‍है पत्त'अना ही हुही गोट्टा सौंसार नू मना लगी।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

1 थेस्‍सलोनिकॆयर 1:8

एन्‍देरगेका निम्‍है गुसले मकेदोनिया अरा अख़ाया नू लेका उर्बासी दौ कत्‍था मल तेंग्रा। लिकिन धर्मेस नू निम्‍है पत्त'अना र'ई आद उर्मी अड्डा बींड़रकी किरकी र'ई का एमा ब'अना ही चाड़ मलकी।