रोमी 10:16 - पुना गच्छरना NT (BSI)

¹⁶ अन्नु हूँ ओर्मा इस्राऎलर दौ कत्‍थन मल इंझ्रर। होले धर्मेसी कत्‍था तिंगू यसायास एन्ने बाचस, “उर्बायो! नॆ एम्‍है कत्‍थन पत्ताचर?”

रोमी 10:16 ပူးပေါင်းရင်းမြစ်များ

मत्तायोस 13:14

धर्मेसी कत्‍था तिंगू यसायासी कत्‍था आर ही नू पूरा मनी, एकासे का, ‘ऎन एन्‍देर ब'अदन अदिन नीम ख़ेबदा ती गा मेनोर लिकिन मल बुझ्र'ओर, अरा ऎन एन्‍देर नन्दन अदिन नीम ख़न्न ती गा ऎरोर लिकिन नीम मल अख़'ओर।

यॊहनस 10:26

लिकिन नीम मल पत्त'अदर, एन्‍देरगेका नीम एंग्‍है भेंडो मलदर?

त‍इरकर 28:24

ख़ने पौलुस बाचका कत्‍थन जोक्‍क आलर गा पत्ताचर, लिकिन नन्नर मल पत्ताचर।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 11:17

दौ जैतून मन्न ती जोक्‍क डाड़न एस'अरकी तरकूटी नन्‍तारकी किरकी र'ई। अरा नीम नन-यहूदीरो! जंगली जैतून ही डाड़ा हिकदर, अदही अड्डा नू कलम नंजका हिकदर। अरा दौ जैतून ही पादा ती बर'ऊ अदही उज्‍जना ही रासी ही हिसा मंजकर।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

रोमी 3:3

जोक्‍क यहूदीर धर्मेसिन मल पत्ताचकर। होले ईर ही मल पत्त'अना ती धर्मेस तंग्‍है गच्छरका आबोन अम्‍बोस चि'ओस का?

रोमी 6:17

धर्मेसी धन्‍यवाद नन्‍दन का नीम गा मुन्‍द पाप ही बिट्ठी ननू जॊंख़ रहचकर, लिकिन अक्‍कु नीम मानिम नू आ सिखाब'अना ही डहरे नू ऎका हेलरकर, एकदन ऎम निमा सिखाबाचकम।

गलातिया 3:1

अना बोया गलातिया ता आलारो! नॆ निमन नस्‍सा? येसु मसीसिन क्रुस नू ठोकचर अदिन निम्‍है ख़न्न ही मुन्‍दहारे ऎदका रहचा।

गलातिया 5:7

नीम गा एका नगदे दौ बोंगनन बोंगा लिक्‍कर। अक्‍कु निमन नॆ छेंकचा का नीम मानिमन अमा पॆस्र'आ?

2 थेस्‍सलोनिकॆयर 1:8

आ बेड़ा नू धर्मेसिन मल चिन्‍हनर आरिन अरा नम्‍है येसु मसीसी दौ कत्‍थन मल पॆस्रनर आरिन दंडे चि'ओस।

इब्रानी 11:8

पत्त'अना ती अब्राहमस, तंगा गे गच्‍छरका अड्डा काला गे धर्मेस ती मॆख़्रस, ख़ने अदिन मन्‍चस ती उरखस केरस। तान एसन काला लगियस अदिन हूँ बल्‍ला लगियस।

इब्रानी 4:2

एकासे आर गे दौ कत्‍था मेन्‍तारा, अन्नेम नमा गे हूँ दौ कत्‍था मेन्‍तरा। लिकिन आर दौ कत्‍थन पत्त'अना गने मल मेंजर अरा मल पॆस्रर, औंगे आर मेंजकाचर आ कत्‍था आर गे एन्‍द्रा हूँ फैदा मल चिच्‍चा।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:8

अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।

1 पतरस 3:1

अन्नेम अना मुक्‍कारो! नीम हूँ तम्है तम्‍है मॆतर ही आकुस नू र'आ। होले आर ती नेकईम धर्मेसी कत्थन मल पत्त'उर र'अना ती हूँ, नीम आर गे धर्मेसी पत्त नू तेंगना ती मला लिकिन नीम निम्है दौ उज्‍जना ओक्‍कना ती आरिन धर्मेस तरा किर्रत'आ ओंगोर दने।