रोमी 10:14 - पुना गच्छरना NT (BSI)

¹⁴ लिकिन आलर आसिन मल पत्ताचका होले आर नाड़र'आ गे एकासे आसिन गोहरार'ओर? अबड़र आसी पत्त नू मेना हूँ मल्‍ला मेंजका होले आसिन एकासे पत्त'ओर? ओर्त हूँ आसी पत्त नू तेंगा कुद्दु मल र'ओर होले आर एकासे मेनोर?

रोमी 10:14 ပူးပေါင်းရင်းမြစ်များ

मत्तायोस 20:7

‘एमन नॆ हूँ बनी मल हेलाबाचर।’ आस आरिन बाचस, ‘नीम हूँ अंगुर बटकी नू कला।’

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 9:36

आस मेंजस, “उर्बायो, एंगन तेंगा का आस नॆ तंग्‍है? ख़ने आसी मइय्याँ ऎन पत्त'आ ओंग्‍दन।”

त‍इरकर 19:2

पौलुस आरिन मेंजस, “नीम पत्ताचका बेड़ा नू नेम्‍हा बॊलतासिन ख़क्‍खकर का?” अबड़र बाचर, “मला, ऎम गा नेम्‍हा बॊलतस र'अदस एन्ने इकला हूँ मलम मेंजकम।”

त‍इरकर 8:31

ख़ने आस बाचस, “नीक‍इम एंगन मल बुझाब'ओर होले ऎन एकासे बुझ्र'ओन?” तहाँ आस फिलिप्‍पोसिन अरगा ती तंग्‍है गने ओक्‍का गे मीख़ियस।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

इफेसुस 2:17

अरा आस बरचस ती धर्मेस ती गेच्‍छा रहचका नीम नन-यहूदीर गे हूँ अरा धर्मेसी हेद्दे रहचका ऎम यहूदीर गे हूँ कोड़े ही दौ कत्‍थन मेन्ताचस।

इफेसुस 4:21

नीम मानिम नुम आसी पत्त नू मेंजकर। अरा येसुस नू र'ऊ मानी ही लेक्खा आसी पत्त नू नीम सिखाबाचका केरका रहचकर।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।

तीतुस 1:3

अक्‍कु ठौका बेड़ा नू आस ई कत्‍थन दहदर नंजस, एकदन नाम नम्‍है बछाब'ऊ धर्मेसी पॆसका ती ओर्मर गे तेंगदत। इदिन एंगा गे सोंपतारा।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

याकॊब 5:15

पत्त'अना गने नन्ना गोहरारना बेमरहा आलासिन कोड़े ननी चि'ई। अरा उर्बस आसिन कोड़े ननोस। अरा आस पाप गुट्ठी नंजकादस होले, अबड़ा आस गे अम्बतार'ओ कालो।