रोमी 1:4 - पुना गच्छरना NT (BSI)

⁴ आस नेम्‍हा बॊलतासी सवंग ती केचका ती उज्‍जा चो'अना ती धर्मेसी ख़द्दस नंज ऎदस। आसिम नम्‍है उर्बस येसु मसीस हवे।

रोमी 1:4 ပူးပေါင်းရင်းမြစ်များ

मत्तायोस 4:3

आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

त‍इरकर 3:15

अरा नीम उज्‍जना ही अक्‍स'उसिन पिटकर, अरा आसिन धर्मेस केचका ती उज्‍जना चॊदस, अरा इबड़ा कत्‍था ही ऎम गोवाह र'अदम।

रोमी 1:3

ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

1 पतरस 1:11

मसीसी बॊलता आर ही नू रहचा, अरा आरिन तिंगिया का एकासे मसीस दुक्‍खे चॊद'ओस अरा अदही ख़ॊख़ा कोड़हे मईन आबोन ख़क्खोस। औंगे आर इदही बेद्दना ख़ॊजना ही चिहुट नंजर का इदही बेड़ा एकाबारी बर'ओ, अरा आद एकासे बर'ओ।

2 पतरस 1:21

एन्देरगेका धर्मेसी कत्था तिंगुर ती बाचका ख़ॊख़ा मन्ना कत्था इकला हूँ आलर ही मने ती मल्ला मंजका। लिकिन आलर नेम्हा बॊलतासी कड़हाब'अना ती धर्मेसी कत्थन तिंगियर।

दहदर मंजका कत्‍था 1:18

अरा ऎन उज्‍जू र'अदन। ऎन केचका केरकन, लिकिन ऎरा, ऎन हुल्‍लो ती हुल्‍लो गूटी उज्‍जू र'अदन। अरा खे'अना अरा नरक गड्डी ही कुची गुट्ठी एंग्‍है गुसन र'ई।

दहदर मंजका कत्‍था 19:10

इदन मेंजकन ख़ने, ऎन आसिन ऒड़ लग्गा गे आसी ख़ेडमूली खत्रकन। ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने संगे जॊंख़न हिकदन। औंगे धर्मेसिन दिम ऒड़ लग्गा। एन्‍देरगेका नॆ येसुसी पत्त नू नन्नर गे तेंगनर, आर मानिम नू धर्मेसी बॊलतस आर गे चिच्का कत्था गुट्ठिन दिम तेंगनर।”