रोमी 1:3 - पुना गच्छरना NT (BSI)

³ ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

रोमी 1:3 ပူးပေါင်းရင်းမြစ်များ

मत्तायोस 1:1

ईद अब्राहमसी ख़द्दस दाऊदसी ख़द्दस येसु मसीसी पूरखर ही नामे हवे।

मत्तायोस 1:16

याकॊबस यॊसॆफसी तम्‍बस। यॊसॆफस मरियम ही तंग्‍आलस। मरियम येसुसी तंग्यो। येसुसिन मसी ब'अनर।

मत्तायोस 1:6

येसैस दाऊद बॆलासी तम्‍बस। दाऊदस सालोमॊनसी तम्‍बस। सालोमॊनसी तंग्यो मुन्‍द उरियसी तंग्‍आली रहचा।

मत्तायोस 12:23

इन्‍नु ओर्मर धन्‍धरर केरर ती ब'आ हेलरर, “एन्‍देर ईस दाऊदसी ख़द्दस मसीस मना ओंग्‍दस दने।”

मत्तायोस 15:22

अय्या ता ओन्‍टा नन-यहूदी आली आस गुसन बरचा अरा चिच्चि‍यारा ती ब'आ हेलरा, “अना उर्बायो, दाऊदसी ख़द्दायो, एंगन सोग्‍गे ऎरा, एंग्‍दन नाद धरचकी र'ई, आद एंग्‍दन नगदे खिलपत नना लगी।”

मत्तायोस 26:63

लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”

मत्तायोस 27:43

ईस तान धर्मेसी ख़द्दन बाचस ती धर्मेस मइय्याँ असरा नंजकादस। धर्मेस ईसिन पत्तारदस होले अक्‍कु आस ईसिन नाड़दस नेक‍अन।”

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

मत्तायोस 9:27

येसुस असलेक ती केरस ख़ने, ईरिब अन्धहा आलर एन्ने गोहरारनुम आसी ख़ॊख़ा बर'आलियर, “अना दाऊदसी ख़द्दायो! एमन सोग्‍गे ऎरा।”

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

लू‍कस 1:69

आस तंग्‍है जॊंख़स दाऊद बॆलासी बनस ती ओन्‍टा सवंगिय नाड़ुसिन त‍इय्‍कादस।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:34

इदन ऎन ईरकन, अरा गोवाह चि'अदन का ईस दिम धर्मेसी ख़द्दस।”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 10:30

ऎन दरा बंगस ओन्‍टे दिम हिकदम।”

यॊहनस 10:36

एंग्‍है पत्त नू ईद का, एंगन बंगस चज्जियस ती एंगन ख़ॆख़ेल नू तइय्यस। होले ऎन धर्मेसी ख़द्दन हिकदन बाचका ती नीम एकासे एंगन ब'आ ओंग्‍दर का ऎन धर्मेसिन निंदा नन्‍दन?

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

यॊहनस 7:42

नेम्‍हा पुथी एन्‍ने ब'ई, ‘मसीस दाऊद बॆलासी खुटी ती बर'ओस, अरा दाऊद रहचका बॆतलहेम पद्दा ती बर'ओस।’”

त‍इरकर 2:30

दाऊदस ओन्‍टा धर्मेसी कत्‍था तिंगुस रहचस। आस अख़'आलियस का धर्मेस किरया मोक्‍खस ती आसिन एन्ने बाचका रहचस, ‘ऎन निंग्‍है ज‍ईपुंईरिन ओर्त आलासिन निंग्‍है बॆल-गदिया नू ओक्‍त'ओन।’

त‍इरकर 3:13

अब्राहम अरा इसाक अरा याकॊबसी धर्मेस, नम्‍है पूरखर ही धर्मेस तंग्‍है जॊंख़स येसुसिन महबा नंजस। नीम आसिन पिलातुस गे सोंपचकर, अरा पिलातुस आसिन अम्‍बा बिद्दियस ख़ने, नीम आसिन ताड़चकर।

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

त‍इरकर 9:20

आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

रोमी 1:9

एका धर्मेसी ऎन आसी ख़द्दासी पत्त ता दौ कत्‍था तेंगना ती सौंसे जिया ती तेतर-सुसर नन्‍दन, आस अख़दस का ऎन सगरो एंग्‍है बिन्‍ती नू निमन सुरत'अदन।

रोमी 4:1

नाम एन्‍देर ब'ओत, नम्‍है यहूदीर ही पुरखा बंगस अब्राहमस पत्त'अना ही पत्त नू एन्‍द्रा सिख्रस?

रोमी 9:3

ऎन एंग्‍है भ‍ईर बहिनर एंग्‍है जातियर गे संगरा नना गे बेद्ददन। आरिन नाड़ा गे ऎन तानिम सरपारना अरा मसीस ती ओथ्रतारना काना मनो होले हूँ अदिन सह'आ गे सपड़ारकादन।

रोमी 9:5

आर अब्राहमस, इसाक, याकॊबसी जंईपुंई हिकनर, अरा आर ही बनस ती दिम कया नू मसीस हूँ कुन्‍द्रस। ईस दिम उर्मी ती कोहाँ धर्मेस, ईसी दिम हुल्‍लो ती हुल्‍लो गूटी ओहमा मनन। आमेन।

1 कोरिन्‍थ 1:9

धर्मेस पत्त'अना जॊगे र'अदस, आस निमन तंग्‍है ख़द्दस नम्‍है उर्बस येसु मसीस गने मेस्रना नू र'आ गे मीख़कादस।

1 कोरिन्‍थ 10:18

इस्राऎल आलर ही पत्त नू सोच'आ। एकार दाँड़े नंजका आबोन मॊख़नर, आर गोड़हा नू धर्मेसी सुसर नन्ना नू मेस्रनर।

गलातिया 4:4

लिकिन ठौका बेड़ा बरचा ख़ने, धर्मेस तंग्‍दासिन तइय्यस। आस ओन्‍टा आली ती कुन्‍द्रस ती यहूदीर ही उर्मी नॆग आबोन पॆस्रस।

1 थेस्‍सलोनिकॆयर 1:10

अरा नीम आसी तंग्‍दासी मेर्ख़ा ती बरना ही पाब ऎरालदर, नॆकन धर्मेस केचका ती उज्‍जताचस। आसिम येसुस हिकदस नॆ नमन बरना नेंवई ही खींस ती बछाब'अदस।

1 तीमोथियुस 2:5

एन्‍देरगेका धर्मेस ओन्‍टे लेका र'अदस। धर्मेस अरा आलर ही मझी नू ओन्‍टे कुना मेसाब‍'ऊ र'अदस। आ आलस मसी येसुस दिम हिकदस।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

2 तीमोथियुस 2:8

सगरो सोच नना का येसु मसीस दाऊद बॆलासी बनस नू बरचस। आस केचका ती उज्‍जा चॊचस। ईदिम एंग्‍है मेन्‍त'अना दौ कत्‍था।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

1 यॊहन 4:15

एका ओर्तस येसुस धर्मेसी ख़द्दस एन्ने तेंग्रदस, आस नू धर्मेस बन्चकादस, अरा आस हूँ धर्मेस नू बन्चकादस।

1 यॊहन 5:1

एका ओर्तस येसुस दिम मसीस एन्ने पत्त'अदस, आस धर्मेसी ख़द्द मंजकादस। अरा एका ओर्तस धर्मे बंगासिन चोन्हा नन्दस, आस बंगासी आ ख़द्द गने हूँ चोन्हा नन्दस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

1 यॊहन 5:5

सौंसार ही मलदौ गुट्ठी ही मइय्याँ जीत ख़क्ख'ऊ नॆ तंग्है? नॆ येसुसिन धर्मेसी ख़द्दस एन्ने पत्त'अदस, आसिम लेका सौंसार ही मलदौ गुट्ठी ही मइय्याँ जीत ख़क्खदस।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।

दहदर मंजका कत्‍था 2:18

थुअतीरा नगरे ता कलीसिया ही पैकस गे नीन एन्ने लिख'आ का: गौंगौंरना चिच्‍ची लेक्‍खा ख़न्न अरा पान्ताचका पितल लेक्‍खा ख़ेड्डे र'अना धर्मेसी ख़द्दस इबड़ा कत्था गुट्ठिन ब'अदस।