रोमी 1:21 - पुना गच्छरना NT (BSI)

²¹ आलर धर्मेसिन अक्‍खर, लिकिन आर आसिन धर्मे लेक्‍खा म‍ईन मल नन्नर महले धन्‍यवाद हूँ मल नन्नर। आर ही सोच अनभनियाँ मंजा केरा अरा आर ही मल लखरना ही जिया ऊख़ा मंजा केरा।

रोमी 1:21 ပူးပေါင်းရင်းမြစ်များ

यॊहनस 3:19

आर गे दंडे ही नेंव‍ई ही चड्डे ईद दिम का, बिल्‍ली ख़ॆख़ेल नू बरचा, लिकिन आलर बिल्‍ली ती कोड़हे ऊख़न पत्तारर, एन्‍देरगेका आर ही नलख गुट्ठी मलदौ रहचा।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 1:19

ईगेका धर्मेसी पत्त नू इन्द्रिइम लो अख़ना र'ई आद आर ही म‍इय्याँ दहदर र'ई। धर्मेस तानिम अदिन आर ही म‍इय्याँ दहदर नंजकादस।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 11:10

आर ही ख़न्न धुधरा मनन एकत्रु आर ऎरा पोल्‍लोर। अरा आर ही कड़मा सदौ ख़ोलख़रका र'अन।”

रोमी 15:9

अरा आस इदगे हूँ इदिन नंजस का नन-यहूदीर तम्‍है ख़क्ख्रका सोग्‍गे ही चड्डे धर्मेसी ओहमा नना ओंगोर। एकासे नेम्‍हा पुथी नू लिख्रकी र'ई, “औंगे ऎन नन-यहूदीर नू निंग्‍है ओहमा ननोन। अरा निंग्‍है नामे ही ओहमा पाड़ोन।”

2 तीमोथियुस 3:2

एन्‍देरगेका आलर तमानिम चोन्‍हा ननू, ढिबा ही चिबाख़ार‍'ऊ, बग्‍गे तरगर‍'ऊ, इतरार'ऊ, हींड़‍'ऊ, अयंग बंगर ही पॆसकन मल पत्त‍'ऊ, संगरा ननुर गे धन्‍यवाद मल ब'ऊ, सोतबोड़'आ ननू मनोर।

1 पतरस 1:18

एन्‍देरगेका नीम अख़दर का निम्‍है पूरखर ती इत्तनुम बर'आ लगी निम्है अयंदहा उज्‍जना ही डहरे ती निम्‍है नाड़रना सोना मलता चाँदी लेक्‍खा नठारना आलॊ ही दाम ती मल मंजकी र'ई।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

दहदर मंजका कत्‍था 14:7

अरा आस जॊरसरिया सड़ा ती एन्ने बाचस, “धर्मेसिन एल्‍चा, अरा आसिन महबा नना, एन्‍देरगेका आसी नेंवई नन्ना ही बेड़ा अंड़सकी र'ई। अरा नॆ मेर्ख़न अरा ख़ॆख़लन अरा समुदरन अरा अम्मु ही पझरा गुट्ठिन कमचस, आसिन महबा नना।”

दहदर मंजका कत्‍था 15:4

अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”