रोमी 1:20 - पुना गच्छरना NT (BSI)

²⁰ इकला ती धर्मेस ख़ॆख़ेलन गढ़चस आसी मल ऎथ्रना गुन्न गुट्ठी, आसी जनमजुग ता सवंग अरा आसी धर्मे लेक्‍खा गुन्न ऎथ्रना नू बर'आ लगी। अबड़ा धर्मेसी कमचका ती अख़तार'ई। औंगे आलर धर्मेसिन बलदम ब'आ पोलनर।

रोमी 1:20 ပူးပေါင်းရင်းမြစ်များ

मत्तायोस 5:45

एन्ने नन्ना ती नीम निम्‍है मेर्ख़ा बंगासी ख़द्दर मनोर। एन्‍देरगेका आस दौ अरा मलदौ इरबर मइय्याँ हूँ बीड़ी अरग'अदस अरा उजगो आलर अरा पपहर इरबर गे हूँ चॆंप पुंइत'अदस।

मरकुस 10:6

लिकिन इकला धर्मेस उर्मी जिनिसन ख़ॆख़ेल नू गढ़चस, अउला धर्मेस आरिन आलस अरा आली ननरकी कमचस।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 15:22

ऎन मल बरचका अरा आरिन धर्मेसी कत्थन मल तिंका रहचकन होले, पाप ही बदी आर ही म‍इय्याँ मल लग्‍गो दने। लिकिन आर गे अक्‍कु तम्‍है पाप गे एन्‍देर नंगु हूँ तेंगा पोल्‍लोर।

त‍इरकर 17:29

होले नाम धर्मेसी ख़द्दर मनरकी नमा एन्ने मल सोचना का धर्मेस आलर ही करिगार अरा सोच ती सोना अरा चान्‍दी अरा पखना ती कमचका मूर्ती र'अदस।

त‍इरकर 22:1

“अना भ‍ईरो अरा बंगारो, अक्कु एंग्‍है बहासन मेना।”

रोमी 1:19

ईगेका धर्मेसी पत्त नू इन्द्रिइम लो अख़ना र'ई आद आर ही म‍इय्याँ दहदर र'ई। धर्मेस तानिम अदिन आर ही म‍इय्याँ दहदर नंजकादस।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

रोमी 2:1

औंगे अना नन्नर म‍इय्याँ नेंवई ननू आलारो, नीम नीक‍ईम हूँ र'ओर, नीम बछर'आ पोलदर। एका कत्‍था ही नीम आरिन बदी नन्‍दर, अत्रुम नीम हूँ बदी खत्तरदर। एन्‍देरगेका नीम एका बदी नन्नर म‍इय्याँ नन्‍दर आ मलदौ नलखन नीमिम नन्‍दर।

रोमी 2:15

ईर ऎदनर का एकासे धर्मेसी पॆसका र'ई अन्ने तम्‍है जिया नू अख़नर, एन्‍द्रा ठौका र'ई अरा बिड़दो र'ई। अरा आर इदन तम्‍है लखना ती ऎदनर, एका एका बारी आर ही सोच तिंगी का आर ठौका नंजर अरा बिड़दो नंजर।

1 कोरिन्‍थ 1:20

एसन र'अनर लूरगर? एसन र'अनर बग्गे पढ़चका आलर? एसन र'अनर ई ख़ॆख़ेल ता कोड़हे लूर उइय्यू आनानखर'उर? एन्‍देर धर्मेस ई ख़ॆख़ेल ता लूरन खईता मल कमचका र'अदस का?

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

कोलोस्से 2:9

एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

1 तीमोथियुस 1:17

सदौ राजी ननू बॆलस, मल बुड़र‍'ऊ, मल ईथ्र‍'ऊ, ओन्‍टे लेका धर्मेसी म‍ईन अरा महबा सदौ सदौ मनन नेक‍अन। आमेन।

1 तीमोथियुस 6:16

मल खि'ऊ आसिम हिकदस। आसदिम सगरो उज्‍जू र'अदस। आस अकय कोड़हे बिल्‍ली नू र'अदस। आसिन नॆ हूँ मल्‍ला ईरका अरा इकल‍अम हूँ ऎरा पोलनर। आस गेम ओहमा अरा पया हुल्‍लो ती हुल्‍लो गूटी र'अन नेक‍अन। आमेन।

इब्रानी 11:27

पत्त'अना ती आस बॆलासी खींस ती मल इल्‍चियस ती मिसर राजिन अम्‍बियस ती उरखस केरस। अरा आस मल ऎथ्र'ऊ धर्मेसिन ईरका बेसे ठिमठिम ने रहचस।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।