रोमी 1:17 - पुना गच्छरना NT (BSI)

¹⁷ नेम्‍हा पुथी नू लिख्रकी र'ई, “उजगो आलर धर्मेस नू असरा नन्ना ती उज्‍जोर।” एन्ने ई दौ कत्‍था नमन ब'ई का एकासे धर्मेस नमन उजगो कमदस। ईद पत्त'अना ती दिम हुल्‍लो अरा हुल्‍लो गूटी मनी।

रोमी 1:17 ပူးပေါင်းရင်းမြစ်များ

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

रोमी 10:3

एन्‍देरगेका धर्मेस आलारिन एकन्ने उजगो कमदस अदिन आर बल्‍लर, अरा आर तमन तम्‍है मने ती उजगो नना गे चिहुट नंजर। ख़ने आर धर्मेस तमन उजगो नना गे मल चिच्‍चर।

रोमी 3:21

अक्‍कु बिगर पॆसका ती नमन धर्मेसी ऎरना नू उजगो मना गे धर्मेस डहरे ऎद्ददस। इदगे मूसासी पॆसका अरा धर्मेसी कत्‍था तिंगुर ही कत्‍था हूँ गोवाह र'ई।

रोमी 3:22

धर्मेस ती बर'ऊ ई उजगो पत्त'ऊ ओर्मर गे येसु मसीस नू ता पत्त'अना ती बर'ई। ईद यहूदीर अरा नन-यहूदीर ओर्मर गे ओन्‍टा दिम र'ई।

रोमी 3:3

जोक्‍क यहूदीर धर्मेसिन मल पत्ताचकर। होले ईर ही मल पत्त'अना ती धर्मेस तंग्‍है गच्छरका आबोन अम्‍बोस चि'ओस का?

रोमी 9:30

होले नाम एन्‍देर ब'ओत? नन-यहूदीर उजगो मन्नन मल बेद्दा कुद्दालियर, लिकिन आर तम्‍है पत्त'अना ही चड्डे उजगो मंजर।

2 कोरिन्‍थ 3:9

आलर गे दंडे ही नेंवईन चि'ऊ सुसर'अना कोड़हे महबा ही र'ई होले, उजगोन चि'ऊ सुसर'अना एका कोड़हे महबा ही र'ओ दने!

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

गलातिया 3:11

अक्‍कुन ईद गा दहदर र'ई का नॆ हूँ नॆग ही चड्डे धर्मेसी ऎरना नू उजगो मलकर, एन्‍देरगेका नेम्हा पुथी नू लिख्रकी र'ई, “उजगो आलस पत्त'अना चड्डे उज्‍जोस।”

फिलिप्‍पी 3:9

होले ऎन आसी गने ओन्टा मना गे ओंग्दन। अरा यहूदी नॆगन पॆस्रना ती बरना उजगो ती मला, लिकिन मसीसिन पत्त'अना ती बरना उजगो गने र'आ गेम ऎन बेद्ददन। ई उजगो धर्मेस तरती मसीसी मइय्याँ ता एंग्है पत्त'अना चड्डे बर'ई।

इब्रानी 10:38

एंग्‍है उजगो आलर पत्त'अना ती उज्‍जोर। लिकिन अबड़र नू एक‍अम ओर्तस पछली किरदस होले, ऎन आसिन मल पत्तार'ओन।”