रोमी 1:14 - पुना गच्छरना NT (BSI)

¹⁴ उज्‍जना बिज्‍जनन बड़ियर अख़'उर अरा बल्‍लुर अरा पढ़चकर अरा बिगर पढ़चका ओर्मर ही ऎन नहड़ा र'अदन।

रोमी 1:14 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

लू‍कस 10:21

आ बारिम येसुस नेम्‍हा बॊलतस नू खुसमारस ती बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन अख़'उर अरा लूरगर आलर लेक्‍खा तमन सोचनर आर ती नुड्डकादय, अरा लुदऊ लेक्‍खा ई सन्नी ख़द्दर गे ऎदकय। हाँ, अना बंग, निंगा ईदिम बॆस लग्‍गिया।

त‍इरकर 22:21

ख़ने आस एंगन बाचस, ‘कला, एन्‍देरगेका ऎन निंगन गेच्‍छा नू नन-यहूदी आलर गुसन त‍इय्योन।’”

त‍इरकर 28:2

अइय्या ता र'ऊ आलर एमन नगदे सोग्‍गे ईरियर। चॆप पुंइना अरा प‍इय्याँ ही चड्डे आर चिच्‍ची ओद्दर ‍ती एमन परघाचर।

त‍इरकर 28:4

असला आलर आसी ख़ेक्खा नू पोजोरका नेर्रेन ईरियर ख़ने, ताम ताम बाच नखरर, “मानिम ई आलस आल पिटुस हिकदस, समुदर ती बछरस, अन्नु हूँ नेंव‍ई ईसिन उज्‍जा मल चिच्‍चा।”

त‍इरकर 9:15

लिकिन उर्बस हनानियासिन बाचस, “कला, आस गा नन-यहूदी आलर अरा बॆलर अरा इस्राऎल आलर नू एंग्‍है पत्त नू तेंगा गे ऎन चज्जिका आलस हिकदस।

रोमी 1:22

आर तमन लूरगर ब'अनर लिकिन आर बोया हिकनर।

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

रोमी 12:16

अपन ती नन्नर नू कोड़े गने उज्‍जा। अमा फुल‍ई नना, लिकिन टूटपुंजिया आलर गने मेस्र'आ ती र'आ। निमन लूरगर अमा सोच'आ।

रोमी 13:8

अपन ती नन्नर नू चोन्‍हा नन्नन अम्‍बरकी एकअम हूँ कत्‍था नू नॆखा हूँ नहड़ा अमा मना। एन्‍देरगेका नॆ तंग्‍है अरबर-परबर गने चोन्‍हा नन्दस आसिम नॆगन पूरा नंजका र'अदस।

रोमी 16:19

निम्‍है मनना ही पत्त ओर्मा आलर नू बीड़रकी किरकी र'ई, औंगे ऎम निम्‍है पत्त नू रिझ्रदन। लिकिन ऎन बेद्ददन का नीम दौ गे लूरगर अरा मलदौ गे भ‍कुवा मना।

रोमी 8:12

औंगे अना भ‍ईरो! नाम पाप मॆद सुबहा लेक्‍खा उज्‍जा गे नहड़ा मल्ला मोक्‍का।

1 कोरिन्‍थ 14:11

लिकिन ओर्तस कछनख्रना भखा ही मनेन ऎन बल्‍दन होले, ऎन कछनख्र'उस गे नन्ना आलस र'ओन, अरा कछनख्र'उस हूँ एंगा गे नन्ना आलस र'ओस।

1 कोरिन्‍थ 14:16

मला होले नीम निम्‍है बॊलता ती धर्मेसिन ओहमा ननो बारी, नेम्‍हा बॊलतासी इनाम गुट्ठी ही पत्त नू बल्‍लू आलस निम्‍है मझी र'अदस होले, निम्‍है ओहमा नन्‍नन मेनोस ती आस एकासे “आमेन” ब'ओस। एन्‍देरगेका नीम एन्‍देर बाचकर अदिन आस गा बलदस।

1 कोरिन्‍थ 2:13

इबड़ा कत्‍थन ऎम आलर ही लूर सिखाबाचका कत्‍था गुट्ठी ती मला, बॊलतासी सिखाबाचका कत्‍था ती तेंगदम। एन्नेम बॊलता ही मानिम कत्‍था गुट्ठिन बॊलतासी कत्‍था गुट्ठी ती बुझाब'अदम।

1 कोरिन्‍थ 3:18

नीकईम तमन अम्‍बोर ठक'आ। निम्‍है मदहेर ती नीकईम तंगन ख़ॆख़ेल ही ऎरना नू लूरगर सोचदस होले, आस बोया मन्ना र'ई। होले दिम आस धर्मेसी ऎरना नू लूरगर मना ओंग्‍दस।

2 कोरिन्‍थ 10:12

निम्है मझी नू नॆ तमानिम कोहाँ ऎदनर, आर ही गने ऎम एमन बरुबर मन्ना महले जोक्‍खना गे डिढ मल नन्दम। लिकिन आर गा अपन ही जोक्खना ती अपन ख़ोयनर, अरा तमन ओर्त ओर्त गने जोक्खनर ख़ने, आर तम्‍है बोया मन्नन ऎदनर।

2 कोरिन्‍थ 11:19

नीम गा एका कोड़हे लूरगर आलर र'अदर, बोयारिन रिझ गने सहदर।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

तीतुस 3:3

नाम हों मुन्‍द बोया बेसे अरा पॆसकन मल पत्त'ऊ आलत रहचकत। अरा नाम ठगर'अरकी रकम रकम ही चिबाख़ारना अरा सुख-सौंरत ही जॊंख़ रहचकत। नाम खींस-खोप डाहना अरा ख़ाँड़ना नू उज्‍जा लिक्‍कत, अरा नाम नाम नू बैरी रहचकत।