रोमी 1:13 - पुना गच्छरना NT (BSI)

¹³ अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

रोमी 1:13 ပူးပေါင်းရင်းမြစ်များ

यॊहनस 12:24

ऎन निमन मानिम ब'अदन, गहूँ ही दना ख़ज्‍ज नू खत्रना ती अरगी खे'अना गूटी ओन्‍टे गुना र'ई, लिकिन खि'ई क'ई होले, नगदे ख़ंजपा चि'ई।

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 4:36

एकासे ख़ुयू आलस तंग्है भूतिन ख़क्‍खदस ती खेतिन सकल'अदस, अन्नेम धर्मेसी नलख ननुस जनमजुग उज्‍जना गे आलारिन सकल'अदस। औंगे चाँख़'उस अरा ख़ुयुस संगे मेस्र'ओर ती खुसमार'ओर।

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 15:12

तहाँ ओर्मा खोंड़हा कलेकसे मंजा अरा पौलुसी अरा बरनबासी कत्‍थन मेंजा का धर्मेस आर ही ती एन्‍देर एन्‍देर चिन्‍हा दरा अजगुत नलख गुट्ठी नन-यहूदीर मझी नू नंजस।

त‍इरकर 19:21

इबड़ा ही मंजका ख़ॊख़ा पौलुस मकेदोनिया दरा अख़ाया कुद्दनुम येरुसलॆम काला गे तंग्‍है बॊलता नू ठंनचस। अरा आस बाचस, “असन अंड़सोन ती ऎन रोम राजिन हूँ ऎरोन दिम।”

त‍इरकर 21:19

ख़ने आस आरिन मोंजरा नंजस ती एन्‍देर एन्‍देर नलख धर्मेस आसी दौ कत्‍था तेंगना नलख ती नन-यहूदी आलर नू नंजका रहचस, ओन्‍टा ओन्‍टा उर्मिन तिंगियस।

त‍इरकर 28:14

असन एमा जोक्‍क पत्त'ऊ भ‍ईर ख़क्‍खरर। आर एंगन तम्‍है गुसन सात उल्‍ला र'आ गे एड्डर। अदही ख़ॊख़ा ऎम रोम बरचकम।

रोमी 1:12

ऎन एन्‍देर ब'आलदन का नम्‍है नू र'ई आ पत्त'अना ती नाम नन्नारिन सहाड़ा नना ओंगोत।

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

रोमी 7:1

अना भ‍ईरो, मूसासी पॆसका ही पत्त नू अख़'ऊ आलर निमा गे ऎन ब'अदन। नीम अख़दर का पॆसका आलारिन आर ही उज्‍जना गूटी दिम आकुस ननी।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

1 कोरिन्‍थ 10:1

अना भईरो! नीम इबड़ा कत्था ही पत्त नू बल्‍लुर लेक्‍खा र'आ गे ऎन मल बेद्ददन का, नम्‍है पूरखर ओर्मारिन धर्मेस टुंगरी नू बदाली ऎख़ नू कड़हाबाचस ती होच्‍चस, अरा आर ओर्मर ख़ॆंसो समुदरन कट्टियर।

1 कोरिन्‍थ 12:1

अक्‍कुन अना भईरो! नीम नेम्‍हा बॊलतासी इनाम ही पत्त नू बल्‍ला गे ऎन मल बेद्ददन।

1 कोरिन्‍थ 14:20

अना भईरो! नीम बुझुरना नू ख़द्दर लेक्‍खा अमा मना, मलदौ ही पत्त नू बॊलॊ ख़द्दर बेसेम र'आ, लिकिन बुझुरना नू पखड़ मन्‍नुम कला।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

1 कोरिन्‍थ 9:2

नन्‍नर एंगन तइरकन मल बुझ्रना ती हूँ, ऎन मानिम नू निमा गा त‍इरकन हिकदन। एन्‍देरगेका उर्बस नू नीम एंग्‍है तइरका नलख ही पुरुब र'अदर।

2 कोरिन्‍थ 1:8

अना भईरो, ऎम आसिया चक नू एका दुक्‍खेन भोगचकम, अदन नीम बल्‍लुर लेक्‍खा र'आ गे ऎम मल बेद्ददम। ऎम एन्ने कोड़हे बोझा ती कजरकचकम, अरा आद एम्‍है सहना ती कोहाँ रहचा का एम्‍है उज्‍जना ही असरा हूँ मल रहचा।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

गलातिया 3:15

अना भईरो! उर्मी उल्‍ला ता उज्‍जनन जोखदन ती तेंगदन। आलर नू गच्‍छरना बड़ियर कम्रकी र'ई होले अत्रु नॆ हूँ जोड़'आ पोलनर महले अइय्या एन्‍देर हूँ घटाबआ पोलनर।

गलातिया 6:18

भईरो! नम्‍है उर्बस येसु मसीसी मया निम्‍है बॊलता गने र'अन नेक‍अन। आमेन।

फिलिप्‍पी 1:22

लिकिन ऎन ई मॆद नू उज्‍जना बारी र'ओन होले, मसीस गे बॆस अर्ज'अना नलख नना ओंगोन। औंगे ऎन बुझ्र'आ पोल्‍दन का ऎन एन्‍द्रन चाजोन, उज्जना बारी र'अना महले खे'अना।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

1 थेस्‍सलोनिकॆयर 2:18

औंगे ऎम निम्‍है गुसन बर'आ गे बिद्दकम। ऎन पौलुस ओंग्‍होन मला घड़ी घड़ी निम्‍है गुसन बर'आ बिद्दकन। लिकिन सैतान एमन छेंकचा उइय्या।

1 थेस्‍सलोनिकॆयर 4:13

अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

2 थेस्‍सलोनिकॆयर 2:7

नॆग मलका अक्‍कुन हूँ नूख़्रा ती नलख ननी, अरा अदिन छिक'ऊ र'ई आद तरकूटी मल मन्‍ना गूटी दहदर मल मनो।

2 तीमोथियुस 4:17

लिकिन उर्बस एंग्‍है गने रहचस ती एंगा सवंग चिच्‍चस। होले ऎन दौ कत्‍था बॆस लगे तेंगा ऊंग्‍कन, अरा नॆ यहूदी मलनर आर हूँ एंग्‍है ती अदिन मेना ऊंगियर। आस एंगन पिटरना ती बछाबाचस।