रोमी 1:10 - पुना गच्छरना NT (BSI)

¹⁰ ऎन एंग्‍है गोहरारना नू सगरो धर्मेस गुसन ने'अदन का आसी मने ती निमन ऎरा बर'आ गे बेड़ा ख़क्ख्र'ओ।

रोमी 1:10 ပူးပေါင်းရင်းမြစ်များ

त‍इरकर 18:21

अरा आस आर ही ती बिदा मंजस ती बाचस, “धर्मेसी मने र'ओ होले ऎन अउरिम बर'ओन।” आस इफेसुस नगरे ती कोहाँ डोंगा ती उरखस।

त‍इरकर 19:21

इबड़ा ही मंजका ख़ॊख़ा पौलुस मकेदोनिया दरा अख़ाया कुद्दनुम येरुसलॆम काला गे तंग्‍है बॊलता नू ठंनचस। अरा आस बाचस, “असन अंड़सोन ती ऎन रोम राजिन हूँ ऎरोन दिम।”

त‍इरकर 21:14

ऎम आसी मनेन ताड़'आ पोलकम ख़ने, ऎम एन्ने बाचकम ती कलेकसे मंजकम का उर्बासी मने पूरा मनन नेक‍अन।

रोमी 15:29

अरा ऎन अख़दन का इकला ऎन निम्‍है गुसन बर'ओन, आ बारी मसीसी अजगुत बरकत गने बर'ओन।

1 कोरिन्‍थ 1:1

धर्मेसी मने ती मसी येसुसी त‍इरका मना गे मॆख़्रका पौलुस एंग्है तरती अरा नम्है भ‍ईस सॊस्‍थेनॆसी तरती ई चिठी र'ई।

1 कोरिन्‍थ 4:19

लिकिन उर्बासी मने र'ओ होले, ऎन चाँड़हेम निम्‍है गुसन बर'ओन। अरा ऎन आ इतरार'उर ही कत्‍था गुट्ठिन लेका मला, आर ही नलख गुट्ठिन हूँ बिढ़'ओन।

फिलिप्‍पी 4:6

एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।

1 थेस्‍सलोनिकॆयर 2:18

औंगे ऎम निम्‍है गुसन बर'आ गे बिद्दकम। ऎन पौलुस ओंग्‍होन मला घड़ी घड़ी निम्‍है गुसन बर'आ बिद्दकन। लिकिन सैतान एमन छेंकचा उइय्या।

फिलॆमॊन 1:22

अउर ओन्टा कत्था ऎन मेन्दन का एंगा र'आ गे ओन्टा पाही कुठली सपड़'अके उइय्के। एन्देरगेका ऎन असरा नन्दन का धर्मेस निम्है गोहरारना गुट्ठिन मेनोस, अरा ऎन अउरिम निम्है गुसन बर'आ ओंगोन।

इब्रानी 13:19

अरा ऎन निमन ठेठन ब'अदन का ऎन चांड़हेम निम्‍है गुसन किर्रा गे एंगा गे धर्मेसिन गोहरार'आ।

याकॊब 4:15

निमा एन्ने ब'अना र'ई का, “उर्बासी मने र'ई होले, ऎम उज्‍जोम अरा इदन महले अदन ननोम।”