दहदर मंजका कत्‍था 9:4 - पुना गच्छरना NT (BSI)

⁴ अरा अबड़ा गे एन्ने बातारा का, ख़ॆख़ेल ता लट्टिन महले एकअम हरियर ख़ोप्पन महले एकअम मन्नन अमके नठाब'आ, लिकिन नॆख'आ कपड़े नू धर्मेसी मरका मल्‍ला अबड़ा आलारिन लेका नठाब'आ।

दहदर मंजका कत्‍था 9:4 ပူးပေါင်းရင်းမြစ်များ

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

दहदर मंजका कत्‍था 14:1

इदही ख़ॊख़ा ऎन ईरकन ख़ने, ऎरा, भेंडो ख़द्द मसीस सीयॊन परता नू इज'आ लगियस, अरा आसी गने ओन लाक चौवालीस हजार आलर रहचर, नॆख'आ कपड़े नू आसी नामे अरा तम्‍बासी नामे लिख्रकी रहचा।

दहदर मंजका कत्‍था 6:6

ख़ने ऎन अबड़ा चरियो आलॊ ही मझी नू ती ओन्टा सड़ा एन्ने ब'अना मेंजकन, “ओन उल्ला ही बनी गे ओन किलो गहूँ, अरा ओन उल्ला ही बनी गे तीन किलो बजरा, लिकिन‍ इसुंग अरा अंगुर रासी आबोन अमके नठाब'आ।”

दहदर मंजका कत्‍था 7:1

इदही ख़ॊख़ा ऎन चार गोटा मेर्ख़ा पैकारिन ख़ॆख़ेल ही चरियो कोंड़ा नू इज्‍जका ईरकन। अबड़र ख़ॆख़ेल ता चरियो ताकन उर्दका रहचर का ख़ॆख़ेल नू महले समुदर नू महले इन्द्रिइम मन्न नू ताका अम्‍बो तागर'आ।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।