दहदर मंजका कत्‍था 9:21 - पुना गच्छरना NT (BSI)

²¹ आर तम्है आल पिटना पाप गुट्ठी ती महले तम्है गुरुमना पाप गुट्ठी ती महले तम्है पेहरन ही सोतरा नलख ती महले तम्है खड़ना नुड़ना गुट्ठी ती जियन मल किर्ताचर।

दहदर मंजका कत्‍था 9:21 ပူးပေါင်းရင်းမြစ်များ

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

2 कोरिन्‍थ 12:21

अरा एन्ने अम्बो मना का ऎन निम्है गुसन अउर बरना बारी, एंग्‍है धर्मेस निम्‍है मुन्दहारे एंगन किय्या नन्त'ओस, अरा एंगा अबड़ा बग्‍गे आलर गे कलपारना मनो का नॆ मुन्द नंजका पाप ती सोतरा मन्ना, पेहरन ही सोतरा नलख, पसड़ा गुट्ठी ती जिया मल किरताचर।

गलातिया 5:20

मूर्तिन ओहमा नन्‍ना, नस'ऊ, कसरहा, नग्‍गानख्रना, इस्‍गहा, कैर, लोभिया, छिंडना, धरम नू छिंडना,

दहदर मंजका कत्‍था 13:13

अरा ई दुसर मेक्‍खो कोहाँ कोहाँ अजगुत नलख गुट्ठिन नंजा। ईद आलर ही ईरनुम मेर्ख़ा ती चिच्‍ची ख़ॆख़ेल नू खत्रताचा।

दहदर मंजका कत्‍था 13:15

अरा ई दुसर मेक्खो गे आ मुन्द ता मेक्‍खो ही मूर्ती गे साँस चि'आ गे सवंग चीरा का, आ मेक्‍खो ही मूर्ती कछनख्र'ओ, अरा एवंदा आलर आ मेक्खो ही मूर्तिन महबा मल ननोर आरिन पिटत'ओ चि'ओ।

दहदर मंजका कत्‍था 13:7

अरा अदगे नेम्‍हा आलर गने लड़'आ ती जित'आ गे अदिया चीरा। अरा उर्मी गोतोर अरा आल खोंड़हा अरा भखा अरा राजी ही मइय्याँ हूँ अदगे अदिया चीरा।

दहदर मंजका कत्‍था 14:8

फेन अउर ओन्टा मेर्ख़ा पैकस पहिल मेर्ख़ा पैकासी ख़ॊख़ा ख़ॊख़ा बरचस ती एन्ने बाचस, “बिड़्रिया केरा! आ कोहाँ नगरे बाबुलॊन बिड़्रिया केरा! एकाद तंग्है पेहरन ही सोतरा नलख ही फुली अरखिन उर्मी राजी ता आलारिन ओन्ताचकी र'ई।”

दहदर मंजका कत्‍था 16:6

ईर निंग्है नेम्‍हा आलर अरा धर्मेसी कत्था तिंगुर ही ख़ॆंसन बाहताचर, औंगे नीन आरिन ख़ॆंसन ओन्ताचकय। आर तम्‍हैं नंजका ही डंडे भोग'आ लगनर।”

दहदर मंजका कत्‍था 17:2

ख़ॆख़ेल ता बॆलर अदही गने पेहरन ही सोतरा नलख नंजर, अरा ख़ॆख़ेल ता र'ऊ उर्मी आलर अदही पेहरन ही सोतरा नलख ही अरखी ती उंखियर केरर।”

दहदर मंजका कत्‍था 17:4

अरा आ आली भेटांगो ऎख़र'आ अरा ख़ॆंसो किचरी कूरकी रहचा। अरा आद सोना ती अरा मड़ी पखना गुट्ठी ती अरा मोती गुट्ठी ती सिंगरारकी रहचा। अरा आद तंग्है ख़ेक्खा नू ओन्टा सोना ही डुबहा धरचकी रहचा। आ डुबहा घिनघिना नलख गुट्ठी ती अरा अदही पेहरन ही सोतरा नलख ही मलदौ गुट्ठी ती निंदकी रहचा।

दहदर मंजका कत्‍था 17:5

अरा अदही कपड़े नू ओन्टा गम ही नामे लिख्रकी रहचा, “कोहाँ बाबुलॊन! बेस्वार अरा ख़ॆख़ेल ता उर्मी घिनघिना नलख गुट्ठी ही तंगियो।”

दहदर मंजका कत्‍था 18:3

एन्‍देरगेका अदही पेहरन ही सोतरा नलख ही चिबाख़ारना ही अरखी ती उर्मी राजीतर ऊंखकानर। अरा ख़ॆख़ेल ता बॆलर अदही गने पेहरन ही सोतरा नलख नंजर। अरा ख़ॆख़ेल ता ख़ीन्दु-बीसुर अदही सुख-सौंरत ही कोड़हे चड्डे उरुब मंजर केरर।”

दहदर मंजका कत्‍था 19:2

एन्‍देरगेका आसी नेंवई नन्ना गुट्ठी मानिम अरा उजगो र'ई। तंग्है पेहरन ही सोतरा नलख ती ख़ॆख़ेल ता आलारिन नठाबाचका कोड़हे बेस्वा लेक्खा कोहाँ मलदौ नगरे गे आस दंडे ही नेंवई चिच्चस, अरा अदगे तंग्‍है जॊंख़र ही बहाबाचका ख़ॆंस ही बदली किर्ताचस।”

दहदर मंजका कत्‍था 21:8

लिकिन इल्‍चुर, अरा मल पत्त'उर, अरा कदरहर, अरा आल पिटुर, अरा पेहरन ही सोतरा नलख ननुर, अरा टोनहर, अरा मूर्तिन ऒड़ लग्‍गुर अरा उर्मी ठकवा आलर ही अड्डा गन्धक लघरना चिच्‍ची ही समुदर हवे। ईद दुसर खे'अना हवे।”

दहदर मंजका कत्‍था 22:15

लिकिन अल्‍ला लेक्खा नेम्हा मलका आलर, अरा टोनहर, अरा पेहरन ही सोतरा नलख ननुर, अरा आल पिटुर, अरा मूर्तिन ऒड़ लग्गुर, अरा ठकवा कत्‍था गुट्ठिन पत्त'अरकी अबड़ा नू ईकू ओर्मर नगरे ही बहरी र'ओर।

दहदर मंजका कत्‍था 9:20

इबड़ा सस्ती ती मल पिटतारर, अबड़ा बछ्रका आलर अक्कु गूटी हूँ तम्‍है पाप गुट्ठी ती जियन मल किर्ताचर। आर नाद गुट्ठिन अरा मूर्ती गुट्ठिन ऒड़ लग्गनन मल अम्बियर। आर ऎरा पोलना महले मेना पोलना महले ऎका पोलना सोना अरा चाँदी अरा पितल अरा पखना अरा कंक गुट्ठी ती कमचका मूर्ती गुट्ठिन लेका ऒड़ नंजर।