दहदर मंजका कत्‍था 9:15 - पुना गच्छरना NT (BSI)

¹⁵ ख़ने अबड़ा चरियो मेर्ख़ा पैकर कोल्‍लतारर केरर। आर ई बेड़ा गेम, अरा ई उल्‍ला गेम, अरा ई महिना गेम, अरा ई चाँन गेम आलर ही तीन ती ओन भागन पिटा गे सपड़तारका रहचर।

दहदर मंजका कत्‍था 9:15 ပူးပေါင်းရင်းမြစ်များ

दहदर मंजका कत्‍था 20:7

ओन हजार बछर मुंज्र'ओ ख़ने, सैतान जेहेल ती बिछिर'ओस चि'ओस।

दहदर मंजका कत्‍था 8:10

अरा तिसर मेर्ख़ा पैकस पेंड़हे ऊरचस ख़ने, ओन्टा कोहाँ बीनको होरा लेक्‍खा लघरना ती मेर्ख़ा ती किच्‍चरा, अरा ख़ाड़ गुट्ठी ही तीन ती ओन भाग नू अरा अम्मु पझरा गुट्ठी नू खत्रा।

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।

दहदर मंजका कत्‍था 8:8

अरा दोसर मेर्ख़ा पैकस पेंड़हे ऊरचस ख़ने, चिच्‍ची लघरना लेक्‍खा ओन्टा कोहाँ परता समुदर नू हेबड़तारा। अरा समुदर ही तीन ती ओन भाग ख़ॆंस मंजा केरा।

दहदर मंजका कत्‍था 8:9

अरा समुदर ही उज्जना आलॊ तीन ती ओन भाग केच्‍चा केरा। अरा तीन ती ओन भाग कोहाँ डोंगा नठारा केरा।

दहदर मंजका कत्‍था 9:10

अरा अबड़ा ही ख़ॊला अरा टुटी बिछी ही लेक्‍खा रहचा। अरा अबड़ा ही ख़ॊला नू आलारिन पाँच महिना गूटी दुक्‍खे सारत'अना ही सवंग रहचा।

दहदर मंजका कत्‍था 9:18

अबड़ा ही बई ती उरखका इबड़ा तिनियों खिलपत चिच्‍ची अरा कुहड़ा अरा गन्धक ती आलर ही तीन ती ओन भाग पिटतारर।

दहदर मंजका कत्‍था 9:5

अबड़ा बोक्‍खो गे आलारिन पिटा ख़च्‍चा गे मला, लिकिन पाँच महिना गूटी आरिन डाहर'आ गे अदिया चीतारा। बिछी दग'ई ख़ने आलर गे नुंजना मनी अदही लेक्खा अबड़ा बोक्खो परमना ती बरना नुंजना रहचा।