दहदर मंजका कत्‍था 9:14 - पुना गच्छरना NT (BSI)

¹⁴ पेंड़हे धरचका छैवाँ मेर्ख़ा पैकासिन आ सड़ा एन्ने बाचा का, “एका चरियो मेर्ख़ा पैकर युफराटॆस कोहाँ ख़ाड़ गुसन हॆंरकानर आरिन कोल्‍ला चि'आ।”

दहदर मंजका कत्‍था 9:14 ပူးပေါင်းရင်းမြစ်များ

दहदर मंजका कत्‍था 16:12

फेन छठवा मेर्ख़ा पैकस तंग्‍है डुबहन युफराटॆस कोहाँ ख़ाड़ नू तुन्दियस चिच्‍चस। ख़ने पुरुब तरती बरना बॆलर गे डहरे सपड़ारत'आ गे अइय्या ता अम्मु बत्तिया केरा।

दहदर मंजका कत्‍था 7:1

इदही ख़ॊख़ा ऎन चार गोटा मेर्ख़ा पैकारिन ख़ॆख़ेल ही चरियो कोंड़ा नू इज्‍जका ईरकन। अबड़र ख़ॆख़ेल ता चरियो ताकन उर्दका रहचर का ख़ॆख़ेल नू महले समुदर नू महले इन्द्रिइम मन्न नू ताका अम्‍बो तागर'आ।

दहदर मंजका कत्‍था 7:2

फेन अउर ओन्टा मेर्ख़ा पैकासिन उज्‍जना धर्मेसी मरकन उइय्का ती पुरुब तरती मइय्याँ बरना ईरकन। अरा आस अबड़ा चरियो मेर्ख़ा पैकारिन नॆका ख़ॆख़ेल अरा मेर्ख़न नठाब'आ गे अदिया चीरकी रहचा आरिन जॊरसरिया चिच्चियारस ती बाचस,

दहदर मंजका कत्‍था 8:2

अरा ऎन धर्मेसी मुन्दहारे इज्‍जका र'अनर अबड़ा सतियो मेर्ख़ा पैकारिन ईरकन, अरा आर गे सात गोटा पेंड़हे चीतारा।

दहदर मंजका कत्‍था 8:6

फेन अबड़ा सतियो मेर्ख़ा पैकर नॆख'आ गुसन सतियो पेंड़हे रहचा आर ऊर'आ गे सपड़ारर।

दहदर मंजका कत्‍था 9:15

ख़ने अबड़ा चरियो मेर्ख़ा पैकर कोल्‍लतारर केरर। आर ई बेड़ा गेम, अरा ई उल्‍ला गेम, अरा ई महिना गेम, अरा ई चाँन गेम आलर ही तीन ती ओन भागन पिटा गे सपड़तारका रहचर।