दहदर मंजका कत्‍था 9:11 - पुना गच्छरना NT (BSI)

¹¹ भयभयान ख़ोड़ख़ा गड्डी ही मेर्ख़ा पैकस दिम अबड़ा ही मइय्याँ बॆलस रहचस। आसी नामे इब्रानी भखा नू अबद्दॊन अरा युनानी भखा नू अप्‍पोल्लयॊन हवे।

दहदर मंजका कत्‍था 9:11 ပူးပေါင်းရင်းမြစ်များ

लू‍कस 8:31

अबड़ा आसिन गोहरार'आ का, “एमन भयभयान ख़ोड़ख़ा गड्डी नू काला गे अमा पॆस'आ।”

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 16:11

अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

यॊहनस 5:2

येरुसलॆम नू भेन्‍ड़ो बकड़े गुसन ओन्‍टा पोखारी रहचा, अदिन इब्रानी भखा नू “बॆतसता” ब'अनर। अदही ओनबेंड़र'आ पाँच गोटा झला रहचा।

यॊहनस 8:44

नीम निम्‍है बंगस सैतान ही र'अदर। अरा निम्‍है बंगासी मने गुट्ठिन पूरा नना बेद्ददर। आस गा ऒरे तिम पिटू रहचस। आस नू मानी मलकी, औंगे मानी आस नू इज्‍जकी र'आ पोल्‍ला। आस ठक'ओ बारी आसी मानी सुबहा आबोन ऎद्ददस, एन्‍देरगेका आस ठकवा हवदस, अरा ठकना गुट्ठी ही बंगस हवदस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

1 यॊहन 4:4

अना ख़द्दारो, नीम धर्मेसी हिकदर, नीम अबड़ा ठकवा धर्मेसी कत्था तिंगुर ती जीत ख़क्खकादर। एन्देरगेका ई सौंसार नू र'ऊ बॊलता गुट्ठी ती निम्है नू र'ऊ नेम्हा बॊलतस कोहँस र'अदस।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 16:16

फेन अबड़ा मलदौ बॊलता बॆलारिन इब्रानी भखा नू हरमगेदोन बारना अड्डा नू ख़ॊंड़चा।