दहदर मंजका कत्‍था 7:2 - पुना गच्छरना NT (BSI)

² फेन अउर ओन्टा मेर्ख़ा पैकासिन उज्‍जना धर्मेसी मरकन उइय्का ती पुरुब तरती मइय्याँ बरना ईरकन। अरा आस अबड़ा चरियो मेर्ख़ा पैकारिन नॆका ख़ॆख़ेल अरा मेर्ख़न नठाब'आ गे अदिया चीरकी रहचा आरिन जॊरसरिया चिच्चियारस ती बाचस,

दहदर मंजका कत्‍था 7:2 ပူးပေါင်းရင်းမြစ်များ

मत्तायोस 16:16

ख़ने सिमॊन पतरस आनाकिर्ताचस, “नीन मसी, उज्‍जना धर्मेसी ख़द्दय हिकदय।”

मत्तायोस 26:63

लिकिन येसुस कलेकले रहचस। ख़ने कोहाँ नैगस आसिन बाचस, “ऎन निंगन उज्‍जना धर्मेस ती किरिया मॊख़दन का नीन धर्मेसी ख़द्दय मसी हिकदय होले नीन उज्‍जना धर्मेस ती किरया मॊख़ा।”

यॊहनस 6:27

नठारना ओन्ना-मॊख़ना गे अमा अर्ज'आ। लिकिन जनमजुग उज्‍जनन चि'ऊ ओन्ना-मॊख़ना गे अर्ज'आ। ई ओन्ना-मॊख़नन मनवा ख़द्दन ऎन चि'ओन, एन्‍देरगेका धर्मे बंगस एन्ने नन्‍ना ही अदियन एंगा चिच्कादस।”

2 कोरिन्‍थ 1:22

आस नम्‍है उर्बस एन्ने ऎद'आ गे आस नम्‍है मइय्याँ छाप चिच्कादस, अरा बयाना नू नम्‍है जिया नू आसी नेम्‍हा बॊलतासिन चिच्कादस।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

इफेसुस 4:30

अरा धर्मेसी नेम्हा बॊलतासिन अमा दुक्‍खे चि'आ। आसी तिम निम्‍है मइय्याँ नाड़रना उल्ला गे धर्मेसी आलर एन्ने मरका लक्‍की र'ई।

1 थेस्‍सलोनिकॆयर 1:9

एन्‍देरगेका आर तामिम तेंगनर ऎम निम्‍है गुसन बरचकम ख़ने एकासे नीम एमन परघाचकर, अरा उज्‍जना अरा मानिम धर्मेसी तेतर-सुसर नना गे नीम एकासे मूर्ती गुट्ठी ती धर्मेस तरा किर्रकर।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

इब्रानी 12:22

लिकिन नीम गा अक्‍कु उज्‍जना धर्मेसी नगरे मेर्ख़ा ता येरुसलॆम सीयॊन परता नू बरचकादर। अइय्या गन'आ पोलना मेर्ख़ा पैकर रिझ गने ख़ॊंड़रनर।

दहदर मंजका कत्‍था 1:3

एकास धर्मेस ती मुन्द तिंका ई कत्‍था गुट्ठिन पढ़'उस अरा मिनुर अरा इय्या लिखचका लेक्खा ईकुर धर्मेस ती आसीस ख़क्ख'ऊ र'अनर। एन्‍देरगेका इबड़ा कत्था मन्ना ही बेड़ा हेद्दे अंड़सकी र'ई।

दहदर मंजका कत्‍था 10:1

फेन ऎन अउरिम ओन्टा सवंगिय मेर्ख़ा पैकासिन ओन्टा बदालिन झप्‍परस ती मेर्ख़ा ती एत्तना ईरकन, आसी कुक्कु मइय्याँ ओन्टा सोखाबोरा रहचा, अरा आसी मुंही बीड़ी लेक्‍खा रहचा, अरा आसी ख़ेड्डे चिच्‍ची ही खुटा लेक्‍खा रहचा।

दहदर मंजका कत्‍था 10:4

अरा सात गोट बादाली मुर्रना कछनखरा ख़ने, ऎन अबड़न लिख'आ बेद्दा लिक्‍कन। लिकिन ऎन मेर्ख़ा ती ओन्टा सड़ा एन्ने ब'अना मेंजकन का, “सातियो बादाली मुर्रना एन्देर बाचा अबड़न मरका नना अरा अबड़न अमा लिख'आ।”

दहदर मंजका कत्‍था 16:12

फेन छठवा मेर्ख़ा पैकस तंग्‍है डुबहन युफराटॆस कोहाँ ख़ाड़ नू तुन्दियस चिच्‍चस। ख़ने पुरुब तरती बरना बॆलर गे डहरे सपड़ारत'आ गे अइय्या ता अम्मु बत्तिया केरा।

दहदर मंजका कत्‍था 5:2

अरा ऎन ओन्टा सवंगिय मेर्ख़ा पैकासिन जॊर सड़ा ती चिच्चि‍यारनुम ब'अना ईरकन, “ई पुथिन तिसक'आ गे अरा इदही मरकन ख़च्‍चा गे नॆ जॊगे र'ई?”

दहदर मंजका कत्‍था 8:3

अरा अउर ओन्टा मेर्ख़ा पैकस सोना ही धूप कुहुड़'अना मौनीन धरचस ती बरचस, अरा आस गोड़हा गुसन इज्‍जस। अरा आस गे बग्‍गे धूप चीतारा का आस बॆल-गदिया ही मुन्दहारे र'अना सोना ही गोड़हा नू उर्मी नेम्हा आलर ही गोहरारना गुट्ठी गने धूप कुहुड़'ओस।

दहदर मंजका कत्‍था 9:14

पेंड़हे धरचका छैवाँ मेर्ख़ा पैकासिन आ सड़ा एन्ने बाचा का, “एका चरियो मेर्ख़ा पैकर युफराटॆस कोहाँ ख़ाड़ गुसन हॆंरकानर आरिन कोल्‍ला चि'आ।”

दहदर मंजका कत्‍था 9:4

अरा अबड़ा गे एन्ने बातारा का, ख़ॆख़ेल ता लट्टिन महले एकअम हरियर ख़ोप्पन महले एकअम मन्नन अमके नठाब'आ, लिकिन नॆख'आ कपड़े नू धर्मेसी मरका मल्‍ला अबड़ा आलारिन लेका नठाब'आ।