दहदर मंजका कत्‍था 7:17 - पुना गच्छरना NT (BSI)

¹⁷ एन्‍देरगेका भेंडो ख़द्द मसीस नॆ बॆल-गदिया ही मझी नू इज्जदस, आस आर ही महरस हिकदस। अरा आस आरिन उज्जना अम्मु ही पझरा गुट्ठी गुसन कड़हाब'ओस। अरा धर्मेस आर ही ख़न्न ती उर्मी ख़ंजलख़ोन चींचोस।”

दहदर मंजका कत्‍था 7:17 ပူးပေါင်းရင်းမြစ်များ

मत्तायोस 2:6

‘अनय यूदेया जिला ता बॆतलहेम! नीन एन्ने हूँ यूदेया ही कड़हाब'ऊ उर्मी नगरे गुट्ठी ती सन्नी मलकी, निंग्‍है तिम ओर्त कड़हाब'उस बर'ओस, आसिम एम्‍है आलर इस्राऎल आलर ही महरस मनोस।’”

मत्तायोस 5:4

नॆ दुक्‍खे सारनर, आरिन धर्मेस आसीस ननोस, आर सान्‍ति ख़क्‍खोर।

यॊहनस 10:11

ऎन दिम बॆस महरा हिकदन। बॆस महरस तंग्‍है भेंडो गे तंग्‍है जियन चि'अदस।

यॊहनस 10:14

ऎन दिम बॆस महरा हिकदन। एकासे बंगस एंगन अख़दस‍ अरा ऎन बंगासिन अख़दन, अन्नेम ऎन एंग्‍है भेंडोन अख़दन अरा एंग्‍है भेंडो एंगन अख़'ई। ऎन भेंडो गुट्ठी गे एंग्‍है जियन चि'अदन।

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:11

ख़ने आ आली आसिन बाचा, “अना उर्बायो, निंग्‍है गुसन अम्मु नीदा गे एन्‍द्रा हूँ मल्‍ला, अरा तूसा हूँ ख़ोड़ख़ा र'ई, होले उज्‍जना चि'ऊ अम्मु नीन एसले ख़क्‍खोय?

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

त‍इरकर 20:28

औंगे निम्‍है पत्त नू अरा धर्मेस तंग्‍है ख़द्दासी ख़ॆंस ती ख़ीन्‍दका तंग्‍है कलीसियन ख़ापा गे नेम्‍हा बॊलतस निमन ईरू-ख़ूजू उइय्का उर्मी खोंड़हा ही पत्त नू चिहुंक र'अके।

1 पतरस 5:2

धर्मेसी निम्है ख़ेक्खा नू सोंपचका आसी खोंड़हन ख़ापा, एकदा निम्है मझी नू र'ई। अरा ईरू-ख़ूजुर लेक्खा सुसर नना। ढेवा ढेवा ती मला, लिकिन धर्मेस नीम नना गे बेद्दना लेक्खा सौंसे जीया ती अदन नना। मलदौ अर्ज'आ गे मला, लिकिन कोड़हे रिझ गने आ सुसर आबोन नना।

दहदर मंजका कत्‍था 14:4

ईर मुक्कर ती तमन सोतरा मल मंजकर हिकनर, अरा डिंडर हिकनर। ईर भेंडो ख़द्द मसीस एसन एसन कालदस असन असन आसी गने गुड़ियार'ऊ हिकनर। ईर धर्मेस गे अरा भेंडो ख़द्द मसीस गे आलर ती नाड़रका पहिल ख़ंजपा लेक्खा र'अनर।

दहदर मंजका कत्‍था 21:22

अरा ऎन आ नगरे नू मन्दिर मल ईरकन, एन्‍देरगेका उर्मी ती सवंगिय धर्मे उर्बस अरा भेंडो ख़द्द मसीस अदही मन्दिर हिकनर।

दहदर मंजका कत्‍था 21:23

अरा आ नगरे नू बिल्ली चि'आ गे बीड़ी महले चन्‍दो ही चाड़ मलकी, एन्‍देरगेका धर्मेसी महबा दिम अदिन बिल्‍चत'ई चि'ई, अरा भेंडो ख़द्द मसीस अदही बिल्‍ली र'अदस।

दहदर मंजका कत्‍था 21:4

अरा आस आर ही ख़न्न ती उर्मी ख़ंजलख़ोन चींचोस। अरा अक्कु ती खे'अना मल मनो, अरा ख़ोदख़ोरना मलता ओलख़ना मलता नुंजना मल र'ओ, एन्देरगेका पच्चा कत्‍था गुट्ठी गुछरा केरा।”

दहदर मंजका कत्‍था 21:6

आस अउरिम एंगन बाचस, “इबड़ा उर्मी कत्‍था गुट्ठी मंज ख़च्‍चकी र'ई। ऎन अल्‍फा अरा ओमेगा, ऒरे अरा छेद्दे हिकदन। ऎन ओनक'आरिन उज्‍जना अम्मु ही पझरा ती सिथिया ओन्त'ओन।

दहदर मंजका कत्‍था 22:1

इदही ख़ॊख़ा आ मेर्ख़ा पैकस एंगन बिल्‍लोर लेक्‍खा झलकारना उज्‍जना ही अम्मु ही ख़ाड़न ऎदस। आद धर्मेस अरा भेंडो ख़द्दासी बॆल-गदिया ती बाह'ई।

दहदर मंजका कत्‍था 4:11

“अना एम्‍है धर्मे उर्बायो! नीन महबा अरा मईन अरा सवंग ख़क्खना ही जॊगे र'अदय, एन्‍देरगेका नीनिम उर्मिन गढ़चकय, अरा निंग्है मने तिम अबड़ा गढ़्रका ती उज्जी।”

दहदर मंजका कत्‍था 5:6

फेन ऎन पिटतारका ओन्टा भेंडो ख़द्दन बॆल-गदिया अरा अबड़ा चरियो उज्‍जना आलॊ अरा चौबीस सेयान आलर ही मझी नू इज्‍जका ईरकन। आसी सात गोटा मरग अरा सात गोटा ख़न्न रहचा। इबड़ा सात गोटा ख़न्न धर्मेसी सातो बॊलता हवे, एकाबड़ा सौंसे ख़ॆख़ेल नू तइरका र'ई।