दहदर मंजका कत्‍था 7:14 - पुना गच्छरना NT (BSI)

¹⁴ ख़ने ऎन बाचकन, “एंग्है उर्बायो नीनिम अख़दय।” ख़ने आस एंगन बाचस, “ईर कोहाँ खिलपत ती उरखर ती बरचका र'अनर, अरा इबड़र तम्‍है किचरी गुट्ठिन भेंडो ख़द्द मसीसी ख़ॆंस ती नूड़ियर ती पंडरु नंजका र'अनर।

दहदर मंजका कत्‍था 7:14 ပူးပေါင်းရင်းမြစ်များ

मत्तायोस 24:21

एन्‍देरगेका फेन नगदे सस्‍ती मनो का धर्मेस ख़ॆख़ेलन गढ़चका उल्‍ला ती इन्ना गूटी अन्ने मल्‍ला मंजका, अरा ख़ॊख़ा हूँ अन्ने सस्‍ती मल मनो।

मरकुस 13:19

एन्‍देरगेका अबड़ा उल्‍ला नू नगदे सस्‍ती मनो का धर्मेस ख़ॆख़ेलन गढ़चका उल्‍ला ती इन्ना गूटी अन्ने मल्‍ला मंजका, अरा ख़ॊख़ा हूँ अन्ने सस्‍ती मल मनो।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

रोमी 5:3

अरा ईद ती लेका मला नाम नम्‍है खिलपत नू हूँ रिझ्रदत। एन्‍देरगेका नाम अख़दत का खिलपत ती सहना,

1 कोरिन्‍थ 6:11

निम्‍है नू जोक्‍कोर एन्नेम रहचर, लिकिन नीम उर्बस येसु मसीसी नामे ती अरा नम्‍है धर्मेसी बॊलतस ती नॊड़रकर अरा नेम्‍हा मंजकर अरा उजगो मंजकर।

2 थेस्‍सलोनिकॆयर 1:4

लिकिन निमा बरचकी र'ई आ सस्‍ती अरा खिलपत बेड़ा नू सहना अरा पत्त'अना नू ऎम फुल‍ई मन्‍दम। अरा निम्‍है पत्त नू धर्मेसी नन्ना कलीसिया गुट्ठी संगे कछनख्रदम।

इब्रानी 13:12

एन्ने लेक्‍खा येसुस हूँ नगरे ही बहरी दुक्‍खे भोगचस ती तंग्‍है ख़ॆंस ती आलारिन नेम्‍हा नंजस।

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

1 पतरस 1:19

लिकिन नीम बिगर बदी अरा बिगर पाप ही भेंडो ख़द्द लेक्खा मसीसी कोड़हे दाम ही ख़ॆंस ती नाड़रकादर।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

दहदर मंजका कत्‍था 1:5

अरा येसु मसीस ती निमा मया अरा कोड़े बर'अन नेकअन। मसीस दिम पत्त'अना जॊगे गोवाह, अरा केचका ती उज्‍जा चो'अना नू जेट्ठा, अरा ख़ॆख़ेल ता उर्मी बॆलारिन राजी ननू र'अदस। आस दिम नमन चोन्‍हा नंजस ती नमन तंग्‍है ख़ॆंस ती नम्‍है पाप गुट्ठी ती नाड़ियस।

दहदर मंजका कत्‍था 12:11

लिकिन आर भेंडो ख़द्द मसीसी ख़ॆंस ती अरा तम्‍है गोवाह ही कत्था ती सैतान मइय्याँ जितचर। अरा आर तम्‍है जिया गुट्ठिन चोन्‍हा मल नंजर, ई गूटी का आर खे'आ गे हूँ मल इल्‍चियर।

दहदर मंजका कत्‍था 15:2

अरा ऎन चिच्‍ची गने मेस्रका काँच ही समुदर लेक्खा ओन्टन, अरा नॆ आ मेक्‍खो अरा अदही मूर्ती अरा अदही नामे ही गनती आबोन जित्तचका रहचर आरिन ईरकन। आर आ काँच ही समुदर गुसन धर्मेसी तमा गे चिच्का तमुर्रा गुट्ठिन धरचका ती इज'आ लगियर।

दहदर मंजका कत्‍था 17:6

अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।

दहदर मंजका कत्‍था 22:14

एकार तम्‍है किचरी गुट्ठिन नॊड़नर ती सुध उइय्नर, आर आसीस ख़क्ख'ऊ र'अनर। आर लेका नगरे ही बली ती कोर'आ गे अरा उज्‍जना ही मन्न ही ख़ंजपन मोख़ा गे अदिया ख़क्खोर।

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।

दहदर मंजका कत्‍था 7:9

इबड़ा कत्था ही ख़ॊख़ा ऎन ईरकन ख़ने, ऎरा, उर्मी राजी अरा गोतोर अरा आल खोंड़हा अरा भखा ती बरचका नॆ हूँ गन'आ पोलना ओन्टा कोहाँ आल गोंहड़न ईरकन। अबड़र पंडरु किचरी गुट्ठी अत्तका ती तम्है ख़ेक्खा नू कींदा डहुड़ा गुट्ठी धरचका बॆल-गदिया ही मुन्दहारे अरा भेंडो ख़द्द मसीसी मुन्दहारे इज्‍जका रहचर।