दहदर मंजका कत्‍था 7:11 - पुना गच्छरना NT (BSI)

¹¹ अरा उर्मी मेर्ख़ा पैकर बॆल-गदिया अरा सेयान आलर अरा चरियो उज्‍जना आलॊ ही ओनबेंड़र'आ इज्‍जर ती बॆल-गदिया ही मुन्दहारे मुंही पाब खत्रर ती धर्मेसी महबा नंजर।

दहदर मंजका कत्‍था 7:11 ပူးပေါင်းရင်းမြစ်များ

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

यॊहनस 5:23

औंगे ओर्मा आलर एकासे धर्मे बंगासिन म‍ईन नन्‍नर‍, अन्नेम धर्मेसी ख़द्दस एंगन हूँ म‍ईन नना गे एन्ने नंजस। नॆ एंगन मईन मल नन्‍दस, आस एंगन त‍इय्‍का धर्मे बंगासिन हूँ म‍ईन मल नन्‍दस।

इब्रानी 1:6

अउरिम इकला धर्मेस तंग्‍है जेट्ठा ख़द्दासिन ई ख़ॆख़ेल नू ओन्‍द्रस, अरा बाचस, “धर्मेसी उर्मी पैकर आसी महबा नन्नर नेक‍अन।”

दहदर मंजका कत्‍था 11:16

फेन धर्मेसी मुन्दहारे तम्‍है बॆल-गदिया नू उक्‍का चौबीस गोटा सेयान आलर मुंही पाब खत्रर ती धर्मेसी ऒड़ लग्‍गियर,

दहदर मंजका कत्‍था 15:4

अना उर्बयो, निंग्‍है ती नॆ मल एल्‍चो? अरा नॆ निंग्‍है नामे ही महबा मल ननो? एन्‍देरगेका नीन ओर्त लेका नेम्‍हा र'अदय। उर्मी राजी बर'ओ ती निंग्है मुन्दहारे ऒड़ लग्‍गो, एन्‍देरगेका निंग्‍है उजगो ही नलख गुट्ठी दहदर मंजकी किरकी र'ई।”

दहदर मंजका कत्‍था 22:9

ख़ने आस एंगन बाचस, “ऎरा, एन्ने अमा नना, ऎन हूँ निंग्‍है गने अरा येसुसी पत्त नू गोवाह चि'ऊ निंग्‍है भईर गने अरा धर्मेसी कत्था तिंगुर गने अरा ई पुथी ता कत्था गुट्ठिन मन'उर गने संगे जॊंख़न हिकदन। औंगे धर्मेसिन दिम ऒड़ लग्गा।”

दहदर मंजका कत्‍था 4:10

आ बारी आ बारी चौबीसो सेयान आलर बॆल-गदिया नू उक्कुसी मुन्दहारे ख़ेडमूली खत्रनर ती, हुल्‍लो ती हुल्‍लो गूटी उज्‍जुसी महबा नन्नर। अरा एन्ने ब'अनुम बॆल-गदिया ही मुन्दहारे तम्है मुकुट आबोन ओक्‍त'अनर चि'अनर,

दहदर मंजका कत्‍था 4:4

आ बॆल-गदिया ही चरियो तरा चौबीस गोट बॆल-गदिया रहचा। अरा इबड़ा बॆल-गदिया नू चौबीस सेयान आलर पंडरू किचरी अत्तका ती उक्‍का रहचर। अरा आर ही कुक्‍कु नू सोना ही मुकुट रहचा।

दहदर मंजका कत्‍था 4:6

अरा बॆल-गदिया ही मुन्दहारे काँच ही समुदर लेक्खा ओन्टा रहचा, एकदा बिल्लौर लेक्खा फटफट ने रहचा। बॆल-गदिया ही मझी अरा चरियो तरा चार गोटा उज्जना आलॊ रहचा। अबड़ा ही ख़ॊख़ा दरा मुन्दहारे ख़न्न ख़न्न ती निंदकी रहचा।

दहदर मंजका कत्‍था 4:8

अरा चरियो उज्जना आलॊ गे ओर्त ओर्त गे छै छै गोट डेना रहचा, अरा भितरी बहरी ख़न्न ख़न्न ती निंदकी रहचा। अरा अबड़ा उल्‍ला अरा माख़ा बिगर ठकरका एन्ने ब'अतेम र'आ लगिया, “उर्मी ती सवंगिय धर्मे उर्बस नेम्‍हा र'अस, नेम्‍हा र'अस, नेम्‍हा र'अस, नॆ रहचस, अरा र'अदस, अरा बर'ऊ र'अदस।”