दहदर मंजका कत्‍था 7:10 - पुना गच्छरना NT (BSI)

¹⁰ अरा आर जॊरसरिया चिच्चियारर ती ब'आलियर, “नाड़रना नम्‍है धर्मेस नॆ बॆल-गदिया नू उक्‍कादस आसी ती, अरा भेंडो ख़द्द मसीस ती बर'ई।”

दहदर मंजका कत्‍था 7:10 ပူးပေါင်းရင်းမြစ်များ

लू‍कस 3:6

अरा उर्मी आलर धर्मेसी नाड़ना ही पत्त नू अख़'ओर।’”

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 1:36

अरा यॊहनस येसुसिन काना ईरियस ती बाचस, “ऎरा, ईस धर्मेसी भें‍डो ख़द्दो।”

यॊहनस 4:22

नीम समारिया ता आलर मानिम नू बलदर, नॆकन महबा नन्‍दर, अरा ऎम यहूदीर अख़दम, नॆकन महबा नन्‍दम, एन्‍देरगेका नाड़रना यहूदीर ती बर'ई।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

दहदर मंजका कत्‍था 12:10

इदही ख़ॊख़ा ऎन मेर्ख़ा नू ओन्टा जॊरसरिया सड़ा एन्ने ब'अना मेंजकन, “अक्‍कु नाड़ना अरा सवंग अरा नम्‍है धर्मेसी राजी अरा आसी मसीसी राजी नन्ना ही अदिया बरचकी र'ई, एन्‍देरगेका नम्‍है भई बहिनर मइय्याँ बदी ननुस नॆ उल्‍ला माख़ा नम्है धर्मेसी मुन्दहारे आर ही मइय्याँ बदी नना लगियस, आस किइय्या हेबड़तारस केरस।

दहदर मंजका कत्‍था 19:1

इबड़ा कत्था गुट्ठी ही ख़ॊख़ा ऎन मेर्ख़ा नू ओन्टा कोहाँ आल गोंहड़ा ही चिच्चियारना लेक्खा ओन्टा सड़न मेंजकन। आद एन्ने बाचा का, “हल्‍लेलुया! नाड़रना अरा महबा अरा सवंग नम्है धर्मेसी दिम हिके।

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”

दहदर मंजका कत्‍था 22:3

अरा अक्‍कु ती इन्द्रिइम स्राप हूँ मल मनो, अरा धर्मेसी अरा भेंडो ख़द्दासी बॆल-गदिया आ नगरे नू र'ओ, अरा आसी जॊंख़र आसी सुसर ननोर।

दहदर मंजका कत्‍था 4:6

अरा बॆल-गदिया ही मुन्दहारे काँच ही समुदर लेक्खा ओन्टा रहचा, एकदा बिल्लौर लेक्खा फटफट ने रहचा। बॆल-गदिया ही मझी अरा चरियो तरा चार गोटा उज्जना आलॊ रहचा। अबड़ा ही ख़ॊख़ा दरा मुन्दहारे ख़न्न ख़न्न ती निंदकी रहचा।

दहदर मंजका कत्‍था 5:7

अरा आस बरचस ती बॆल-गदिया नू उक्‍काचस आसी तीना ख़ेक्खा ती आ पुथिन होच्‍चस।