दहदर मंजका कत्‍था 7:1 - पुना गच्छरना NT (BSI)

¹ इदही ख़ॊख़ा ऎन चार गोटा मेर्ख़ा पैकारिन ख़ॆख़ेल ही चरियो कोंड़ा नू इज्‍जका ईरकन। अबड़र ख़ॆख़ेल ता चरियो ताकन उर्दका रहचर का ख़ॆख़ेल नू महले समुदर नू महले इन्द्रिइम मन्न नू ताका अम्‍बो तागर'आ।

दहदर मंजका कत्‍था 7:1 ပူးပေါင်းရင်းမြစ်များ

मत्तायोस 24:31

अरा ऎन एंग्‍है पैकारिन पेंड़हे ही कोड़हे सड़ा गने तइय्योन, अरा आर मेर्ख़ा ही ई गंडा ती आ गंडा गूटी, चरियो खूंट ती एंग्‍है चज्जिका आलारिन ख़ॊंड़'ओर।

मरकुस 13:27

फिन ऎन एंग्‍है पैकारिन त‍इय्योन ती सौंसे ख़ॆख़ेल ती एंग्‍है चज्जिका आलारिन ख़ॊंड़'ओन।

दहदर मंजका कत्‍था 20:8

अरा आस ख़ॆख़ेल ही ओनबेंड़र'आ र'अना जाती जाती ता आलारिन ठग'आ गे उरखोस। इबड़ा जातियारिन धर्मेसी कत्था तिंगू एजेकिऎलस गोग अरा मगोग एन्ने ब'अदस। ईरिन आस लड़ई गे ख़ोजोस। आर ही गनती समुदर पिंडी ता चलकुर लेक्‍खा र'ई।

दहदर मंजका कत्‍था 6:6

ख़ने ऎन अबड़ा चरियो आलॊ ही मझी नू ती ओन्टा सड़ा एन्ने ब'अना मेंजकन, “ओन उल्ला ही बनी गे ओन किलो गहूँ, अरा ओन उल्ला ही बनी गे तीन किलो बजरा, लिकिन‍ इसुंग अरा अंगुर रासी आबोन अमके नठाब'आ।”

दहदर मंजका कत्‍था 7:3

“एका गूटी ऎम नम्‍है धर्मेसी जॊंख़र ही कपड़े नू मरका मल नंज ख़च्‍चोम, आ गूटी ख़ॆख़ेल महले समुदर महले मन्न गुट्ठिन अमके नठाब'आ।”

दहदर मंजका कत्‍था 8:7

अरा मुन्द ता मेर्ख़ा पैकस पेंड़हे ऊरचस ख़ने, ख़ॆंस गने मेस्रका आली अरा चिच्‍ची मंजा, अरा ख़ॆख़ेल नू तुन्दतारा। ख़ने ख़ॆख़ेल ही तीन ती ओन भाग उल्‍लिया केरा, अरा मन्न गुट्ठी ही तीन ती ओन भाग हूँ उल्लिया केरा, अरा उर्मी हरियर लट्टी हूँ उल्‍लिया केरा।

दहदर मंजका कत्‍था 9:14

पेंड़हे धरचका छैवाँ मेर्ख़ा पैकासिन आ सड़ा एन्ने बाचा का, “एका चरियो मेर्ख़ा पैकर युफराटॆस कोहाँ ख़ाड़ गुसन हॆंरकानर आरिन कोल्‍ला चि'आ।”

दहदर मंजका कत्‍था 9:4

अरा अबड़ा गे एन्ने बातारा का, ख़ॆख़ेल ता लट्टिन महले एकअम हरियर ख़ोप्पन महले एकअम मन्नन अमके नठाब'आ, लिकिन नॆख'आ कपड़े नू धर्मेसी मरका मल्‍ला अबड़ा आलारिन लेका नठाब'आ।