दहदर मंजका कत्‍था 6:4 - पुना गच्छरना NT (BSI)

⁴ ख़ने अउर ओन्टा घोड़ो उरखा, आद ख़ॆंसो रहचा। अरा अइय्या उक्‍काचस आस गे ख़ॆख़ेल ती सान्‍ति मेट'आ गे अदिया चीरा का आलर ओर्त ओर्त गने पिटा नख्र'ओर। अरा आस गे ओन्टा कोहाँ तलवार चीतारा।

दहदर मंजका कत्‍था 6:4 ပူးပေါင်းရင်းမြစ်များ

मत्तायोस 10:34

नीम अमके सोच'आ का ऎन ख़ॆख़ेल नू कोड़े ओन्‍द्रकन ती बरचकादन। ऎन कोड़े मला लिकिन बगड़'आ गे बरचकादन।

मत्तायोस 24:6

अरा नीम लड़ाई अरा लड़ाई ही हलन मेनोर, लिकिन अमके बयार'आ। एन्‍देरगेका इदही मन्ना चाड़ र'ई, लिकिन ईद मुंज्रना बेड़ा मल्‍ली।

यॊहनस 19:11

येसुस आनाकिर्ताचस, “निंगा गे धर्मेस ती अदिया मल चीरका होले, निंगा एंग्‍है नू एन्‍द्रा हूँ अदिया मल र'ओ दने। औंगे नॆ एंगन निंग्‍है ख़ेक्खा नू सोंपचस, आस कोड़हे पाप ही बदी नू र'अदस।”

दहदर मंजका कत्‍था 12:3

आ बारी मेर्ख़ा नू अउर ओन्टा चिन्हा ऎथ्रा। ऎरा, ओन्टा नगदे कोहाँ डेना र'ऊ ख़ॆंसो नेर्रे रहचा। अदगे सात गोटा कुक्‍कु अरा दस गोटा मरग रहचा। अरा अदही कुक्‍कु नू सात गोटा मुकुट रहचा।

दहदर मंजका कत्‍था 13:10

नेकईम गुड़रना र'ई होले, आस गुड़र'ओस दिम। नेकईम तलवार ती पिटरना र'ई होले, आस तलवार ती पिटतार'ओस दिम। इदही मने ईद हिके का, नेम्‍हा आलर खिलपत आबोन खतिर गने सहना ती पत्त'अना नू जिटजिटने र'अना र'ई।

दहदर मंजका कत्‍था 17:3

इदही ख़ॊख़ा नेम्हा बॊलतस एंगन तंग्है आकुस नू नंजस, अरा आ मेर्ख़ा पैकस एंगन टोड़ंग तरा होच्‍चस। अरा असन ऎन ओन्टा आलिन ओन्टा ख़ॆंसो मेक्‍खो नू उक्‍का ईरकन। आ मेक्‍खो ही गोट्टा मॆद नू धर्मेसी हींड़ना कत्‍था गुट्ठी लिख्रकी रहचा। अरा अदही सात गोटा कुक्कु अरा दस गोटा मरग रहचा।

दहदर मंजका कत्‍था 17:6

अरा आ आली नेम्हा आलर ही ख़ॆंस ती अरा येसुसी गोवाह आलर ही ख़ॆंस ती उंखका ईरकन। अरा ऎन अदिन ईरकन ख़ने, कोड़हे अनचकरकन केरकन।